الفرق بين بابا وجوزي

بسم الثالوث الاقدس

مع بابا.. دخلتى المطبخ ما دخلتيش .. كله واحد وممكن باباكى يساعدك
انما مع جوزك ..مش بمزاجك .. ها تدخلى .. هاتدخلى

مع بابا .. فى العيد بيديلك العيديه وفوقيها بوسه ..
لكن مع جوزك .. بيقول انت خلاص كبرتى على الحاجات دى

مع بابا.. تصحى وقت ما انتى عايزه ..
مع جوزك .. وقت ماهو عايز .. او مع مواعيد شغله.

مع بابا.. بتشترى هدومك ومكياجك وكل اللى انتى عايزاه .. ويقولك حلو قوى عليكى
مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب

مع بابا لو حصل حاجه مثلا و كنتى زعلانه .. بيزعل عشانك ..
مع جوزك .. بيزعل منك .. ويلومك ازاى تزعلى اصلا

باباكى وانتى عيانه .. سهران جنبك طول اليوم
انما جوزك بيروح ينام فى الاوضه التانيه.

بابا .. لما تدلعى عليه .. بيفرح بيكى
انما جوزك .. بيقولك ..اكيد عايزه حاجه

بابا .. لو شافك بتعيطى ها يمسح دمعتك
انما جوزك .. ها يقولك يادى النكد

مع بابا .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص
لكن جوزك .. ها يقولك شكلك زى عروسة المولد

مع بابا .. لو طلبتى دوا من الصيدليه . جرى ها ينزل يجيبه
لكن جوزك ها يسالك بكام الأول؟

بابا .. لو طلب منك كوباية ميه .. بيقولك لو سمحتى عايز ميه
انما الباشا يقولك قومى هاتى ميه

لو بتتفرجى مع بابا على التليفزيون ... ها يسيب لك الحريه تتفرجى على اللى انتى عايزاه
لكن المحروس .. مافيش قدامك غير يا الاخبار يا الكوره ..

لو محتاجه فلوس فى حاله طارئه .. بابا ها يديكى من عينيه
لكن جوزك .. ها يقولك خدى من بابا

لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه
لكن جوزك ها يقول معلش انا لازم ابلع او ها يقسمها معاكى

لو اتزحلقتى على الارض ..باباكى ها يجرى يشيلك
جوزك ها يقعد يضحك ويقولك ما انتى اللى مش منشفه الارض كويس

لو نفسك تغيرى مكان السجاده ..باباكى ها يقوللك عنك دى تقيله عليكى
لكن جوزك ها يقولك مش ضرورى وجع القلب دا

لو العربيه عطلت بيكى .. بابا... ها يقولك اقفليها وتعالى وانا ها اتصرف
جوزك .. ها يقولك متركبيش العربيه تانى

لو مقدمه على شغل ..باباكى.. ها يوصى عليكى طوب الارض
لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره

مهما باباكى كان متضايق .. لا يمكن تكلميه وتلاقيه مكشر
لكن جوزك.. لو متضايق .. مصر كلها هتنكد عليكي استحملى بقى

دا فرق السماء والارض

مش بابا وجوزي

هههههههههههههههههههههههههههههههههه

تعليق جميل ياروني

بس في مثل بيقول

نار جوزي ولا جنه ابويا

» الفرق بين الحب والاعجاب
» الفرق بين الرومانسية والحب
» أصنع الفرق في حياتك
» الفرق بين الرومانسية و الحب
» الفرق بين كمبيوتر البنت وكمبيوتر الشاب