هذه القصيدة بمناسبة عيد الغطاس

ياشمعة الغــطاس نورى لكل التعبانيــــن
خلى نورك يشيل الظلــمة من المظلومين
اصرخى بالأمــل لكل الناس المجروحين
زعقى وقولى يابلد تعــبنا من الأنيـــــــن
فوقى بقى وأنصفى ولادك المقــهوريــن
نورى ياشمــعة أو إلســـعى الظالـــميــن
خليك دايما الأمل إللى يهدى المطحونين
التاريخ حيكتب قصتة عن الظلم الـمبين
بكرة يفضح فية كل إللى مش بـــــاينين
ياشمعة الغطاس نورى الأمل للمــحبين
إزرعى الحب فى قلوب الكارهــــــــين
خــّـلية حياة نعـــيش بيها طول السنــين
وتبقى يابلد منارة للحب وشفا للحاقدين