طريق طويل

كل يوم ماشيين ف طريق
طريق طويل مش باينله نهايه
كل واحد فينا يقول يلا نفسى
راحت المحبه ما بقيتش هى كفايه
ااعز صديق وجد لنفسه رفيق
غيرى بيلقى معاه الامان
وويحزن قلبى لما يشوفه بعيد
لانه كان بيديله محبه وسلام
حتي اعز انسان بايده جرحني
ولا هو حاسس انه بيدبحني
ولا هو دريان باللي فيا
ولا حتي فهم ان بايده جارحني
ا اغالي الناس لاقيت منهم الاسية
ماكنتش فاكرهم بالقسوة ديه
بدل ما يدوني ايديهم ويقوموني
من فشلي لاقيتهم بيطعنوا فيا
لاقتني تايه وسط عالم شرير
بيطلع ولاده جيل ورا جيل
من سىء لأسوأ ما فيش تغيير
كله جامح ورا شهواته مافيش تبرير
جوايا ثورة وبركان الآم
بيصرخ من شده الاسى والاحزان
قلبى مكسور مش لاقى الحنان
مع انه كان مليان بالسلام
جوايا صرخه بتقول ليه
ليه بقى العالم مليان بالشرور
مش لاقلى حد الامان فى عنيه
ولا قلب حتى جواه نور
الاب قاسى والاخ اهو ناسى
وفين تلاقى قلب ام يضم
والصديق اديه بعيد حتى الحبيب
بايده بيجرح والجرح بيعم
اااه يازمن قاسى وعنيد
امتى نشيل من قلوبنا الحديد المصنوع
الكل ماشى فى سكه بعيد
وحيد وبصرخ بصوت مش مسموع
بقوله فينك ؟؟؟
فينك؟؟؟؟ يا يســـــــوع
فينك يا الهى مش شايفك قدامى
السكة ظلام والطريق عتمه
الكل ماشى باصص وراه
على الخطية والشهوة شايفها لذة
وانا بصرخ وبفكر لاقيت نور
من ثقب بعيد عنى لكنه قريب
وصوت دافى وكله امان بحنان
بيقول انا فديتك على الصليب
اديتك الحريه من زمان يا ابنى
واشتريتك والتمن كان دمى
رفعتك من العتمه وظلام الخطية
دقق جواك تلاقى جسدى ودمى
حسيت بامل وفرحه كانت معدومة
الدنيا نورت جوايا الصورة كانت مقلوبه
شفت ف كل حاجة ايد ربنا
ضمد جراح والام وادى اديه ممدوده
لكل واحد فينا بييدهاله ويخبط
على قلوبنا يمكن فى يوم نبطل اسية
نفتحه ونملكه حياتنا وحالتنا
اكيد معاه ها نلاقى نعمه غنية
مافيش غيره هو وحده الصديق
هو الحبيب هو الاب والرفيق
لوكل اللى حواليك نسيوك
ولا يهمك ايدك بايده كمل الطريق
صلو من اجلي