Love23
عضــــو ســان مينــــا
 عدد الرسائل : 8
العمر : 38
اسم الكنيسة : العذراء ومارمينا
المدينة : الشرقية
 |  موضوع: نفسى افرح  الجمعة فبراير 05, 2010 4:20 am | |
|
نفسى افرح
احباط
يأس
مشاكل اقتصاديه
مشاكل اجتماعيه
وفاه
مشاكل مشاكل
كل يوم مشكله شكل
نفسى اضحك من قلبى مره
مهى الناس كلها حوليا بتضحك
اشمعنى انا اللى مش بضحك من قلبى
ليه الابتسامه مرسومه على وشى انما جوايا حزين
مش بحس ان الفرحه بتلمس قلبى
واحساس الحزن والاحباط مسيطر عليا وبيلفوا خيوطهم حوالين قلبى
خصوصا" ان العمر بيجرى
والسنين مش حاسه بيها يوم بعد يوم
الاهل كل واحد شايف حياته
الاصحاب ..؟؟؟؟ فين الاصحاب دول
الحب .. هو كمان ضاع
عايزه طريقه مش عايزه كلام
عايزه اصرخ واقول نفسى ياناس افرح من قلبى يوم واحد
نفسى اعيش الفرحه
هى الفرحه الحقيقيه شكلها ايه؟؟
نفسى اضحك ضحكه حلوه من قلبى بس خايفه من الفشل
لان قلبى خلاص صداااااا
خايفه اضحك احسن الناس يفتكرونى سعيده
نفسى اضحك من قلبى ياربى ضحكه حلوه وافرح
هو انا مليش الحق افرح؟
العالم حوليا يضغط عليا وينزع كل راحه فى داخلى
ويطالبنى بالكثير فوق طاقتى ووقتى وكل امكانياتى يبقى ازاى افرح؟؟
ولما احاول الاقتراب منك يارب وتبدأ نفسى فى الهدوء
واحس براحه وادوق بالفعل حلاوه الفرح المسيحى الحقيقى
ترجع تانى ظروفى تتغير وتتقلب الحياه وينتزع الفرح تانى من قلبى
ويرجع القلق والخوف
والاقى كل شىء مش مضمون فى الحياه يبقى هاضحك وافرح ازاى ؟
للاسف
كلنا بندور على الطريقه
طريقه تخلينا نفرح ونضحك
لكن مش بندور على الطريق
صدقونى
الحل الوحيد
ندور على الطريق وليس الطريقه
مفيش قدامى غير انى ارفع عينى ومن اعماق قلبى اتكلم معاك يارب
انت الوحيد الصديق
انت الوحيد المعين
انت الوحيد اللى هاتفهمنى وتريحنى
وتدخل السلام فى قلبى
ارفع عينى من اعماق الارض التى سقطت فيها الدموع من عينى
واصرخ اليك يا الله خلصنى وارحمنى
ليس لى سوى تحننك وليس لى سواك
لان العدو قد اذل فى الارض حياتى واجلسنى فى الظلمات مثل الموتى
ولكن مازال رجائى فيك وثقتى انك قادر ان تفرح قلبى
مهما كانت الصعوبات ومهما كان ضعفى ومهما قوى العالم والشيطان علىّ
انت وعدتنى يارب ان افرح فرحا" كاملا"
بل طلبت منى فى وصيه واضحه ان افرح فى كل حين ولا يفارقنى الفرح
انى اطالبك بوعودك يا الهى الحبيب
لانى اثق فى قدرتك وحبك لى وانك قادر ان تقودنى فى طريق الفرح
بل وتثبت فرحك فىّ فلا يستطيع احد ان ينزعه منى
علمنى يا الهى كيف افرح
علمنى يا الهى كيف اضحك
انت خالقى وابى الذى تفهمنى حتى لو لم يفهمنى احد
وتستطيع ان تشبعنى وتريحنى وتصلح اخطائى
كيف يا ابى لا افرح واضحك من قلبى وانا بين يدى خالقى ؟
| |
|
mego_train
عضــــو ســان مينــــا
 عدد الرسائل : 16
العمر : 38
اسم الكنيسة : العذراء
المدينة : البحيرة
| | موضوع: رد: نفسى افرح الأحد فبراير 07, 2010 8:57 am | |
| كلة دة تشاؤؤم ربنا معاكى  | |
|
Snow White
نائب المدير العام
عدد الرسائل : 7482
العمر : 40
اسم الكنيسة : الكاتدرائيه
المدينة : القاهره
| | موضوع: رد: نفسى افرح الإثنين فبراير 08, 2010 5:49 pm | |
| جميل جدا ربنا يعوضك بجد كلام حلو كتير ياقمر مستنين المزيد | |
|
mego_train
عضــــو ســان مينــــا
عدد الرسائل : 16
العمر : 38
اسم الكنيسة : العذراء
المدينة : البحيرة
| |
الدلوعه
العضــو المــاسي
عدد الرسائل : 1411
العمر : 32
اسم الكنيسة : مارمرقس
المدينة : قنا
| | موضوع: رد: نفسى افرح الأحد مارس 14, 2010 2:01 pm | |
| تسلم ايدك ربنا يعوض تحب محبتك ياقمر | |
|
katy
المشــرف العــــام
عدد الرسائل : 7808
العمر : 37
اسم الكنيسة : المرقيسية
المدينة : قنا
| | موضوع: رد: نفسى افرح الأحد مارس 14, 2010 5:55 pm | |
| نفسى افرح
وانا نفسي تخيل بس امتي وفين وازاي | |
|
انا بهزر ....موضوع جميل بجد ... المزيد
