خايف .. قرب ..!!!

خايف .. قرب ..!!!

خايف قرب جاى علينا سامعه من بعيد … جاى يكسر أحلى مالينا و أعيش بعديه وحيد

انا خايف … خايف من حاجات كتير ..

خايف م المجهول .. خايف احب و لا أطول …

خايف افضل فى فقر مذلول .. خايف … خايف السنين تعدى و انا لسه واقف محلك سر

خايف مش بس واقف فى مكانى لكن ارجع للخلف در …

خايف … خايف اقول اللى فى قلبى .. خايف لو قولته المزة تحلقلى …

خايف … خايف من الامراض خايف فى لحظه ابقى من الاموات ..

خايف … خايف … خايييييييييف

إيه ده كله .. كل ده خوف جوايا و جواك .. كل دى افكار رابطانا و مخليانا حزانى ..

خايفين نضحك لاحسن تقلب غم … و لو ضحكنا شوية نقول خير اللهم اجعله خير …

و كأن الحزن و الخوف هو ده الطبيعى ..

و الامان و السلام و الفرح ده المستحيل ..

لحد امتى تعيش العيشة دى .. اللى الموت احسن من اننا نعيش ..

لكن ليه نرضى بالعيشة ديه ؟؟ .. و احنا لينا نعيش فى امان ..

ليه نعيش فى خوف و احنا عندنا شيكات مصروفالنا عشان نكون مطمنين و مش قلقانين ..

احنا لينا وعود اننا منخافش .. كلمة ” لا تخف ” جت فى الكتاب المقدس اكتر من 39 مره و كل بيقولها بالسبب فبيقولنا :

لو خايف من ماضيك فمتخفش لان فديتك و عرفت كل اللى فات …

لو خايف م اللى جاى .. فمتخفش لأنى انا معاك انا اللى عندى قدرة اعمل كل حاجة …

لو خايف من الماديات فمتخفش لأنى انا ابوك اللى لى خزائن الجبال و كنوز المخابئ هى لى .. و انت ابنى من حقك تورثنى ..

لو خايف من انك تأخد خطوة فى حاجة و متنجحش فمتخفش لأنى انا معاك منين متروح احملك و كمان اوريك الطريق الصح اللى مفيهوش مشاكل ..

متخفش لانك لى … صدق و اطلب من قلبك و هتلاقينى جنبك بسندك و اساعدك .. وأسمعلك

الله كلام جميل بجد قوى وربنا يريح قلبك
روجادا

تسلملى ياقمر عل ردك
ويريح قلبك انت كمان