تأمل شخصى بينى وبين ربنا

يارب.............
ليه كل ما اقرب منك ...الاقى قلبى بعيد
وكل مااقول انا ابنك ... الاقى المى يزيد
الحزن اصبح حياتى ... والشوك دربى الوحيد

يارب أنا محتاج لك .. أنا حاولت انى ارجع لك بذاتى وفشلت..
ياما اخذت قرارات انى ابطل الخطيه..... ومعرفتش.
أنا جاى النهارده....
مش علشان اخد قرار من تانى انى ابتدى معاك بدايه جد
أنا جاى أقولك " ابتدى انت فى' "
ابتدى انت غصب عنى. مشينى فى طريقك غصب عنى
انا بسلملك ارادتى ... مش انت ادتنى الحريه .
انا باشكرك عليها .وباقولك من فضلك يارب استلم حريتى.
ومشينى فى طريقك غصب عنى.
انا يارب مش عارف مصلحه نفسى.. لكن انت يا رب اللى عارف مصلحتى.

ها ستفيد ايه لو ربحت العالم .؟ وخسرت نفسى
وخسرتك انت
...........
عسل العالم عمره ما ينفع ..يجرى ايه لو دست عليه
بس كلامك هو اللى بيشبع.ساعدنى ارجع واشبع بيه .
.....
توبنى يارب فأتوب
اعطنى الرغبه فى ان اتوب
ليك كل مجد وكرامه من الان والى الابد .........أمين

الكلام دة حقيقى منك
على فكرة انا دايما بشعر بية

بصراحة تاملك جميل جدا ربنا يعوض محبتك وكلنا محتاجين حضن ربنا بس ده اقدارنا الحياة كده ربنا معاكم جميعا واسف لانى بجد مش قادر اساهم بموضوع بس مواضيعكم جميلة جدا يضئ الرب بوجهه عليك ويرحمك

تسلمي ياسفرونه علي التوبيك الجامد دا

تقبلي تحياتي