متقوليش لية محدش قالى

روحي بتسألني وتتألم
ليه حياتنا في مرارة العلقم؟
الكل بيغدر وبيظلم
غيره ويسيب جرح يعلّم

ودي حاجة مابقيتش غريبة
على دنيانا المليانة شر
أطماعها كتيرة ورهيبة
ياما الانسان فيها اتغر

يقضي عمره يكنز ماله
فاكر أنه نافع ليه
وفي لحظة يلقى صوت جاله:
فين اللي جمعته هتوديه؟

انتهت الرحلة وخلصت
وما عادش ليك هنا مكان
ساعة عمرك اليوم وقفت
وهيحاسبك رب الأكوان

فيقول: أنا متأخر فقت
ندمان لكن فات الوقت
ياريتني من بدري أمنت
بكلام ربي وعشانه عشت
كان حالي اتبدل دلوقت
وقبل ما أمشي أديني حذرت
غيري وأنت ياللي سمعت

أوعي تعيش أو تعمل زيي
واتعلم بقى من اللي حصل لي
روح لالهك وعليه أجري
لازم اللحظة دي ودلوقتي
لو ضاع عمرك زي عمري
ما تقولش: ليه محدش قال لي؟