البطيــــخ.................ء

احببت البطيخ و اعتدت فى موسم الصيف ان اشترى بطيخة فى طريق عودتى من العمل

و فى يوم من الايام استوقفت سيارتى و نزلت لشراء بطيخة من سوق كبير جدا ملئ
بالبطيخ . يوجد فيه كل الأحجام و الأسعار .

اشتريت واحدة و ذهبت الى البيت مستعدا بكل فرح ان اشق البطيخة نصفين حتى ارى
ماذا اشتريت و كانت خيبة املى كبيرة اذ وجدت البطيخة كما يقولون فى اللفظ
الدارج ( قرعة ) .

تسمرت فى مكانى من شدة خيبتى و فشلى و الأكثر من ذلك ان زوجتى قارب موعد
وصولها و عندما سترى فعلتى سوف تسمعنى كلمتين .......و هكذا

الأهم من ذلك اننى جاء فى بالى ان البطيخ كله لون واحد و كله بيشرب مايه واحدة
حتى البطيخ الوحش بيفضل يكبر و يكبر .


يا رب طالما انت عرف انها بطيخة وحشة سايبها تكبر ليه ؟؟؟!!!!



هو كده ربنا يسيبك تحاول و تتعب و تجاهد . متقلقش عايز شكلك قدام الناس يبقى
حلو ؟ ماشى

مش عايز حد يلاحظ خطيتك ؟ ماشى

مش عايز حد يعرف حاجه عن حياتك الخاصة ؟ ماشى

انت خادم حلو . الناس بتحبك و بقيت معروف و مشهور و الخدمة ما تمشيش من غيرك .
كل ده حلو اوى . بس حياتك بقى يا شاطر انت المسئول عنها . انت اللى تقدر تكون
حلو او تكون وحش

كتير بنكون قدام الناس صالحين و بلا لوم . بس لو ربنا جه و شاف داخلياتنا . يا
ترى هيشوف ايه ؟؟!!. هيشوف نفس المنظر اللى بره و لا هيشوف الخطيه و كل حاجه
وحشة .

الموقف ده خللانى افكر كتير اوى فى نفسى و فكرت كتير كمان فى ربنا عشان زى ما
انا زعلت و اتضايقت اكيد برضو ربنا بيزعل اوى اوى اوى


تخيلوا انا زعلت عشان خاطر بطيخة وحشة . يا ترى انت قد ايه زعلت يا رب عشان
انسان بيهلك.



المهم اللى عايز اقوله ان ربنا هيسيبك تكبر وسط الناس و متخافش محدش هيعرف
حاجه . خللى بالك من حياتك الداخلية