الاول احب اقولكم انكم وحشتونى جدا واسف لو بعد فترة كنت عنكم
موضوعنا اليوم هو مهم جدا جدا وياريد ال يدخل يفهمة كويس ويحاول يطبقة عملى فى حياتة ..
لكل شخص فينا عندة مشاكل ودة طبيعى البعض منا قد يكون فشل فى قصة حب والبعض الاخر قد يكون فشل فى حياتة العملية وهناك ايضا من يكون فشل فى الحياة الدراسية .......الخ هناك خمس نقاط مهمة جدا لكى نتجنب الفشل .....ركزوا معايا وبلاش سرحان
النقطة الاولى ؟ تغذية الروح وتقصد بها العلاقة اليومية بألهنا ومخلصنا يسوع المسيح بمعنى لازم يكون لينا فترة روحية يوميا مع اللة
نخصص ولو ساعة الصبح وساعة ليلا للصلاة وقرائة الانجيل اعتقد اننا ياما بنضيع ساعات كتير على الانترنت والتليفزيون والدش وخلافة مش خسارة طبعا نتدى لربنا ساعتين يوميا لكى روحنيتنا تعلوا وتتغذى .
النقطة الثانية ؟ تغذية العقل لكى يكون تفكيرنا فى الحياة بشكل عام صحيح لازم ننشط ذاكرة المخ بمعنى .....
بمعنى يوميا نحاول نطلع على العالم من حولنا ممكن نقراء مثلا الجورنال او كتاب فكرى يفيدنا او حتى نطلع من الانترنت لكل ماهو جديد فى العالم وليكن نخصص لكل دة نص ساعة وعلى حسب كل شخص فينا فى الوقت .
النقطة الثالثة ؟ تغذية العاطفة لكى لا نقع فى اى حب كدة بدون فكر ويفشل او بمعنى اصح (تسالى)
لازم نكون قلوبنا مليانة عاطفة مش بمعنى الحب دة لا طبعا ...اوعوا تناموا منى يلا نكمل
بمعنى العاطفة تكون مليئة بالمحبة الفعلية تجاة الاصدقاء والاسرة وخلافة بكدة مش اى حب فاشل هانقع فية
وعندما تكون العاطفة متغذية تمام مش من السهل نقع تحت اى تيار فاشل ولو مرينا بتجربة عاطفية فاشلة
اكيد هانقدر بسرعة نتجاهلها لاننا ملينين بالمحبة ...النقطة الرابعة ؟ تغذية الجسم
لازم لكى نقدر اننا نعمل ونبتكر ندى لجسمنا راحة لان الجسم دة زى الماكنة لو اشتغلت طوالى بدون راحة قد يحترق المتور يعنى 8 ساعات كويس جدا لسن الشباب للنوم ...
النقطة الخامسة ؟ تغذية المعدة 
طبعا دية كلكم عرفينها مش عاوزة كلام يعنى نهتم شوية بالتغذية السليمة بس اوعوا حد يجيلة تلبك معوى لو بمشيئة المسيح حولنا نعمل النقاط دية حياتنا هاتبقا كويسة 
حاول ولو فشلت لا تيأس حاول تانى وتالت وعاشر لان الحياة كلها تجارب ومحاولات 
اسيبكم ناهضين بنعمة الثالوث الاقدس ويارب الجميع يكون فى سعادة وطمأنينة [flash]
[/flash]
موضوع: خمس اشياء تحميك من السقوط(هام جدا جدا جدا) 
الأربعاء يونيو 17, 2009 7:30 pm
