لو ربنا فك عقدتك.. ولقيت بنت ترضي بيك.. فإليك نصائحي

لو ربنا فك عقدتك.. ولقيت بنت ترضي بيك.. فإليك نصائحي حتى تأخذ بخطيبتك من مركب الخطوبة إلِّي محدش عارف هاترسى على إيه.. إلى مثواااااها الأخير في قفص النسانيس .. قصدي قفص الزوجية السعيد..

أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانت شايفة بعد الجواز.. المهم نصائحي لك عند أي عزومة مع خطيبتك.. قلنا رقَّه ....

1-الأول لازم تعرف إن الشوكةوالسكينة بيتمسكوا من إيديهم من الطرف يعني مش م الوسط ولا م البوز زي الخنجر ولامن فوق طبعًااا
2- العيش أوعي تفضحنا وتقطعه بسنانك.. ولا الرغيف نصين بأيدك وكل نص لقمة وتحشر.. أوعي.. العيش بيتقطع بالسكينة ف الطبق.. وبعدين تاخدلقمة.. لقمة.. بالعافية.. قال يعني نفسك مسدودة.. اضغط على أعصابك جدااا وبعدين لما تروَّح.. إبقي حِفِّ زي مانت عايز....

3- الشوووربة.. أبوس كعبرجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غيرماتقعد تنفخ فيها.. زي القهوجي اللي بينفخ ف الحجر للزبون.. وطبعًاااااا عايزكتنسى تمامًا.. السلطانية اللي بتقيمها على بقك ف البيت.. وتدلدق على روحك..
بالمعلقه وبدون صوت.. سخنة ولعة برضه بدون صوت.. وتسيب تلت الطبق عالأقل.. مش تميليه.. عشان تلهطها لآخر نقطة.....


4- الرز طبعاً .. بيتاكل بالشوكة.. أوع إيدك تتمد ع المعلقة.. وتغرف من طبق الرز وتعبي.. إوع..الرز بالشوكة.. وكأنك بتبوسه مش بتاكله..

5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطها ف بؤك من سكات.. مشتشفط المكرونة عود عود..

6- السمك.. مشكلة.. شوف.. بتفصل اللحم عنالشوك.. إزاي.. تقطع اللحم من النص.. بالطول وبعدينتفرد اللحم ع الجانبين ولما تخلص ناحية.. متقلبش السمكة.. بلاش فلح.. شيل السلسلةبالشوكة والسكينة وحطها ف جنب الطبق وكمل أكل النص التاني.. وبدلالفيلم الهندي ده.. نصيحة.. ماتكلش السمك خالص.. قول مابحبش السمك وخلصنفسك..

7- الجمبري.. -إذا كنت عارفه -.. أول ماطبق الجمبري ينزل.. بصله بقرف واحتقار شديدين.. آل يعني زهقان من كتر أكل الجمبري الجامبو ف بيت ببا اااا.. وأتنهد جامد وقول.. برضه.. وتروح قاطعة راس الجمبريياية.. بالشوكة.. أنا ف عرضك إنسي المصمصة دلوقت..

8-البطاطس سواء مسلوقة أومحمرة.. أوعي تهرسها وتدبها ع الرز وتدي ...لا..لآ...لآ...بالشوكة حتة حتة وإنتزي ما تكون هاتعيط من كتر ما البطاطس صعبانة عليك...

9- الفاكهة.. لوالفاكهة فيها بذر.. طلعه من بؤك بالراحة وحطه ف إيدك وهي مقفولة.. وبعدين ف طفايةالسجاير اللي ع الترابيزه.. أوعي ياحبيبي من نظام التفتفة للبذر.. انسي....

10- ولما تخلص أكل تحط إيدك على بطنك.. -اللي عصافيرها بتصوصو من العينات اللي كلتها -.. وتقول لها مش ممكن.. أنا عمري ما اتفجعت كدة .. ياحبيبتي
انا أودامي أسبوع.. هابطل أكل فيه.....

وبعدين تمسك الفوطة اللي دايمًا موجودةع التربيزة من غير لازمة.. وتبوسها.. آل يعني بتمسح بؤك..
وبعدين تستأذن منها لدخول التوليت .. وتخش التواليت وبعدين تطلع.. لفة الفول والطعمية اللي جايبها معاك.. وعيش يامعلم


بس دى نصايح للناس الى بيمثلوه ودول كتير واحنا هنا عايزين نعرف منكم
هل فعلا ضرورى اننا نمثل على الطرف الاخر عشان نقنعوه بنفسنا
ولا الافضل اننا نتعامل بطبيعتنا لان ده هو الى هيبقى موجود بعد الجواز