خمسة هيغيرولك حياتك

عنوان غريب مش كدا.....

أيه الخمسة نون دول... كل واحد فينا عنده على الأقل مشكلة واحدة أو خطية واحدة في حياته (أكيد في ناس بتضحك دلوقتي وتقول واحدة بس!!!)... وكتير بنحاول نسيب الخطية دي ساعات بننجح وساعات تانيه نقع ونقع ونقع....

الحل موجود في 5 كلمات بتبدأ بحرف (ن)... لو اقتنعت بالخمسة دول وعرفت تعيشهم هتلاقي الحياة اختلفت وعرفت تسيب الخطية فعلاً. في ناس بتسميهم الكف عشان خمسه يعني خمس صوابع....... جرب كدا..


- ندرك : ندرك إننا لو فعلأً رجعنا لربنا مهما كانت المصايب اللي عاملينها أو الخطايا اللي واقعين فيها ربنا هيقبلنا وينساها تماماً.

- نتوب : ناخد قرار التوبه ونصدق إن ربنا سامحنا ومش هيفضل يفتكر الغلطة أو الخطية دي ويزلنا بيها....

- نقوم : نقوم ونسيب الطريق تماماً ونمشي في الطريق العكسي للخطية واللي هوا طريق ربنا ونكمل بإيمان.

- نتجدد : نتجدد يعني نتعلم كل يوم حاجة جديدة من ربنا وعن ربنا عشان نفضل نتغير لحد ما نبقى شبه ربنا ونجدد من خلال جسد ودم ربنا .

- نفرح : لما هنصدق إننا خلصنا بجد واتحررنا وانتصرنا على إبليس لازم نفرح بربنا وباللي عمله فينا عشان دا حقنا إننا نفرح وربنا عايزنا نعمل كدا

وبعد الخمسة نون دول اوعوا ننسى حاجة مهمة
برضو اولها نون
انى احنا
نشكر ربنا على حبه لينا
من اجلنا جيه وفدانا جيه ومسح كل خطايانا
جيه علشان محبة عظيمة
جيه علشان يغفر كل خطايا ماضينا



+++++++++++++++++
صلاة البار مفتاح السماء،وبقوتها يستطيع كل شيء. هي حِمَى نفوسنا مصدر لكل الفضائل، السلم الذي نصعد به إلى الله، هي عمل الملائكة، هي أساس الإيمان.
ويقول الكتاب
" كل ما تطلبونه فى الصلاة مؤمنين تنالونه
( مت 22:21 )