حدد هدفــك وما تيأس

ما هو هدفك؟؟.. معقولة هدفك هو الشهادة ثم شغلانة تمام بمرتب كويس ثم الزواج ثم الأولاد
ثم...ثم... ثم ماذا ؟؟

يبقى أنت عملت أيه فى حياتك مأنت كدة زيك زى أى حد تانى.. زيك زى والدك وجدك و99.9% من سكان العالم.., ليه ماتكنش من الــ 0.1% الباقيين ؟؟

ليه ماتكنش أنت سبب تغيير حاجات كتير..ليه دايما مستنى غيرك؟....لحد أمتى..؟
لأ كفايه كدة ..الآن جه دورك..أيه نقصك أنت فيك إمكانيات مش عند غيرك بس للأسف أنت مش واثق فى قدراتك...... أنت تكمن بداخلك قدرات لو أدركتها لوصلت إلى السماء.

مين اللى هيفتح أكبر شركة فى مجالك....مين اللى هيعجز الغرب أمامه .. مين اللى هيتجنن بيل جيتس منه..مين اللى جوجل تتمنى تبقى شريكة له؟؟
أوعى تكون حاطط فى دماغك إنك هتفضل طول عمرك تشتغل فى شركة .. مهما توصل فيها هتبقى أيه
؟؟ .. رئيس مجلس إلادارة بعد 30 سنة ..

طب ليه ما تفكرش إن بعد 40 سنه تفتح أكبر شركة فى مجالك تتحدى به العالم .. ولو ضربنا أمثله.. ..الشخصيات كتير لو تكلمنا على النجاح.

أنا مش بقولك ماتشتغلش فى شركة...لأ أشتغل بس عشان تكسب خبرة وتنمى مهراتك وتتعلم الجديد ..وأدخر وخليك ذكى.. ولا تبذر.. فالمستقبل عامل زى الهارد الجديد لازم تقسمه ..فزى ما تقسمه هيتقسم معاك.

حدد مميزاتك ونمّيها وحددعيوبك وصلّحها ..
خلى دائماَ إسلوبك كويس مع الناس أوعى تخسر حد..خليك زكى فى تعاملاتك..

ثقّ فى نفسك ثقة لا حدود لها..هتقولى بس أنا معنديش أى ثقة بنفسى ..أقولك ..إنما الحلم بالتحلّم وإنما الصبر بالتصبّر, يعنى بالممارسة .. أقنع نفسك بالثقة وشوية هتلاقيها عندك بتكبر.
هتقولى مش هقدر..أقولك بيل جيتس قال لأستاذه فى أولى ثانوى أنه هيبقى مليونير فى سن الثلاثين!!!!
أنت فين من ده.. هو أحسن منك فى أيه؟؟ ..ده أنت ممكن تكون أزكى منه وأشطر منه .. يكفيك إن أنت مصرى ده وسام لازم تفتخر به ..ولكن نقصك شوية عزيمة وتحدى.

أوعى تبقى مغرور ولكن هناك فرق بين الثقة والغرورحاول دايماَ تميّز بينهم.
أوعى تنسى حاجة كمان ..الصبر ..وهى دى أهم نقطة..الصبر زى مابيقولوا مفتاح الفرج لازم تصبر ..طب أصبرعلى أيه ؟؟ ..على كل شىء فكل حاجة محتاجة صبر.
أهم شىء...أوعى تغير من أى واحد صاحبك .لو معجب به فى نجاحه حاول تسلك مسلكه..خد بالك إن طريق النجاح ينفع يمشى فيه أى حد.

لازم لازم لازم.. تقابل ملايين الصعاب والمشاكل ..ولو قابلت الصعاب يبقى ده أول علامة إنك ماشى صح فى طريق النجاح, لإن الصعاب تلازم النجاح كما يلازم الهواء الحياة.
وهتلاقى كتير من اللى بيحبطك ويقلل من ثقتك فى نفسك و قدراتك.. ولازم يكون تصرفك ساعتها هو إنك تقولّه هبقى أعزمك فى إفتتاح شركتى بعد 30 سنة إن شاء الله .

أوعى تيأس من أول أمتحان أو أول مشكله تقابلك ..فكل الناجحين كان الفشل هو نقطة التحول..
هتقولى أنا نفسى أطلع مُعيد فى الكلية الفلانية..طب وبعد ماتطلع مُعيد؟؟
هحضر الماجستر ثم الدكتوراة ثم أتعين فى الجامعة ثم...ثم ماذا؟؟ أنت برضو زيك زي أى دكتور عملت أيه جديد؟؟
أطلع مُعيد ودكتور كمان ..بس مايكونش هو ده أكبر أهدافك ..كدة حياتك هتقف..هتقضّى حياتك فى الشهادات؟؟ أجعلها وسيله لاتجعلها غاية.
طب واللى شايل مادة..ومادتين ...واللى شايل السنة مش مهم .. لازم تعرف أن هى ده نقطة تحولك لو لم تنطلق منها فلن تنطلق أبداَ,
معظم العلماء كانوا فاشلين دراسيا ولم يكملوا تعليمهم..لكن أنت شلت سنة واحدة بس..يعنى لو صحيت هتبقى أحسن منهم ان شاء الله.

أنسى الدنيا الآن ..وتخيل معى ....هناك طريق طويل أوى..أنت شايفه ؟؟ أيه ده ؟؟ ده مافيش أى أشجار ده صحراء من الجانبين ..الجو حر..أنت هتموت من العطش ..فى شوك فى الأرض.. وأنت ماشى دون حذاء .. الرياح بتمشى عكس إتجاهك,
نسبه حياتك هى واحد فى المية !!!!!!!

بس أنت لو بصيت بعيد شوية ..فين يعنى ؟؟ أخر الطريق ..مش شايف حاجة الجو مليان عواصف
ركز...ركز...ركز
أه شايف..شايف أيه؟
شايف قصر حوليه حديقة وحمام سباحة وأناس فى إستقبالى ..حديقة مليانة أشجار ..هناك فاكهة من كل لون
كفايه كدة أطلع بقى من التخيل.. ها قررت أيه؟؟
هتموت فى مكانك..وللا هتروح للقصر اللى مستنيك.
لو وقعت فى نص الطريق مش مهم أوعى تيأس فهى علامة إنك ماشى فى الطرق الصح

فاكر الرياح اللى كانت بتمشى فى عكس طريقك..خليك دايماَ فاكرها ..أى حد يقلل من إمكانياتك أو يحبطك يبقى هو الرياح..صحبك أو زميلك أو حتى حد عندك فى البيت.. أنا مش بقولك تعمل مشا كل ولكن أنا عايزك تطمئن لأن هو ده الطبيعى.
واللى يشجعك ( لا أقصد إنه ينافقك عشان متزعلش) يبقى هو ده اللى عارف إنك تقدر تعمل وفى نفس الوقت يحبك..
فى حين اللى بيحبطك..نوعين

الاول عارف إمكانياتك إنك تقدر ولكنه عشان مش قادر يعمل حاجة فعايزك أنت كمان متعملش حاجة ..وده لا يحبك.

والثانى يحبطك وهو لايقصد بل يتمنى لك كل خير ولكنه لا يعرف قدراتك..وغالباَ أهل البيت بيبقوا من النوع الثانى, حاول تثبتلهم إنك أد المسئولية فى كل شىء فى البيت وفى الشارع لازم تبقى أد الكلمة
اللى أنت بتقولها عشان يثقوا فيك.

بس أوعى تكون أنت من النوع الأول اللى بيحبط اللى قدامة بل لازم تشجع اللى قدامك لإنك لو مش قادر تعمل حاجة ممكن فى يوم هو اللى هيسعدك وتنجحوا مع بعض.

وخلى دائما هدفك الأكبر فى الحياة هو إنك تدخل الجنة , و أوعى تنسى الموت ..الموت علينا حق يعنى ممكن تموت فى أى وقت ..ده أنت ممكن تموت وأنت بتقرأ الرساله دلوقتى..
ولكنلازم نعمر دنيتنا , ولا تنس إن لو عندك نيه صالحة ..هيبقى كل عمل بتعمله فى ميزان حسناتك.
وفكر دائما فى الله لأنه هو القدير ولا تعصيه أبداَ لو أردت النجاح.

أسأل نفسك دلوقتى بقى أنا هدفى أيه فى الحياة ؟؟..وبعد شوية ..هتعرف إنك إن شاء الله هتقدر توصل للقصر اللى مستنيك.
أنت قدها.. صدقنى.. لو فكرت فى نفسك وحياتك هتلاقى إن أنت مرات كتيرة كنت فيها أنجح شخص فى العالم..بس أستمر..أستمر..و حدد أهدافك..وثقّ فى نفسك ..وثقّ فى قدراتك .. وفرّق دائماَ بين الثقة والغرور..وتخيل ..وأحلم ..وأصبر..وشيل من قلبك أى غيرة أو أى حقد..أوعى تيأس وأوعى تبقى مغرور..خليك دايماَ متواضع..أوعى تتكبر ..خلّى أسلوبك حلو مع الناس ..أوعى تخسر حد..أوعى تقول أنا خلاص كبرت واللى كان كان ..ده كان من زمان...لأ ..والف لأ ..أنت تقدر تعمل فى اللى جى أضعاف اللى راح بس خلّى أملك فى ربنا كبير خلّى الأمل لك صفة..وأعلم إنك وردة لابد أن يأتى عليك الربيع حتى تتفتح وتظهر وتثبت جدارتك للعالم ..فالكل فى إنتظارك

جميل ياموحا تسلم ايدك ياقمر حدد هدفــك وما تيأس 41610

ميــرسى كتير يا قمر على مرورك

حدد هدفــك وما تيأس 41610

يااااااااااااااا جامد با موحااااااااااااااااااااااااااااااااااااااااااااااا حدد هدفــك وما تيأس 41610

تســلم يــا حبى كتير على مرورك
ويــارب الموضوع يكون عجبك
حدد هدفــك وما تيأس 41610

جميل جدا جميل

واللة اكتير حلو

ربنا يعطيك العافية خىى

hack md5 hash vb كتب:

شكــرا كتيـر hack md5 على مرورك
ربنا يباركك ويعوض تعب محبتك

gwdger كتب:: جميل جدا جميل

شكــرا كتير على مرورك
ربنا يعوض تعب محبتك

rona كتب:: واللة اكتير حلو

ربنا يعطيك العافية خىى

ميرسى كـتير يا رونـا على مرورك
ربنا يباركك ويعوض تعب محبتك

تسلم ايدك ياخبي

عسل يا عسل

ميـــــرسى كتيــــر لمرورك
يـا سكر يــا سكر
حدد هدفــك وما تيأس 41610

بجد موضوع اكتر من رائع
تسلم ايدك ياموحا

برافو موضوع جميل
شكرا على الروعه دي يا جميل