الحلقه الساديه من مسلسل لوكندت الاصدقاء

[b] الحلقه السادسه

الجو اليوم عاصف شديد البروده برق ورعد وإنتمفاهمين الباقي خلينا في المفيد مايكل ودبوس تركوا الفندق بعد الخصم اللى اخدوه
وتم تعيين تامر مكان دبوس ليقابل الزبائن فى المحطة
وتولى دوما مسئولية الامن كاملة لحين تعيين شخص مكان مايكل

في الريسبشن

توتى :امال فين سفروته ...و فين تامر مش شايفه يعنى
بنت العدراء :سفروته بتكلم سارة....وتامر يمكن فى cafeيعنى كل واحد نجيبه يطلع زى اللى قبله وبرضه قهوة
توتى:واحنا حنعمل ايه يعنى....مش هو اللى بعد ما خسر الماتش قعد يقول انتوا السبب ضيعتوا مستقبلى...حشتغل ازاى...راح عمو ماجد
مشغله بدل دبوس ....عشان يسكت!!!
بنت العدراء:by the way..
جيجى رجعت وشكلها very angry
توتى: رجعت إمتي ؟
بنت العدراء : يا ساتر
توتى: المهم دلوقتي روحي نامي بكره إن شاء الله كل حاجه هتتحل
بنت العدراء: : ok ,happy dreams
توتى:بت...انتى بتغظينى بكلامك ده ....اتعدلى
بنت العدراء k

وتاني يوم الصبح

تامر داخل الوكانده جيجى شافته وهو مشفهاش

تامر : ساكن في حي السيده وحبيبي ساكن في السيده برضو مش في الحسييييييييييييين.
جيجى : دا أنت مبسوط علي الأخر
تامر : أخر إنبساط دا أنا النهارده كنت في حته ..........المديرة!!!!!!!!
جيجى: أيوااااااا المديرة كنت فين
تامر : كنت بتعرف على الزبائن
جيجى :زبائن الفندق
تامر :لا...زبائن القهوة....حضرتك عارفة انى جديد ولازم اتعرف.....
جيجى: جبت كام زبون الوكانده ؟
تامر: ولا واحد
جيجى :مبتروحش المحطه أساسا!!
تامر : بروح علشان أشم شويه هوا
جيجى: إستماره سته يا تامر ...مرفود بالتلاتة

وفي الريسبشن

دوما : رفدتك يعني إيه ؟
تامر : ودي هفهمهالك إزاي دي رفدتنى...كنسلتنى...عملتلى شت داون
سفروته: مش معقول
تامر : اللي حصل
دوما : طب مرفدتناش ليه إحنا كمان؟
تامر : علشان أنتم شغالين نص نص
تامر : وهتشتغل إيه ؟
تامر : إن كان علي الشغل مش مشكله إنت عارف أن الشغل في البلد كتير والحمد لله لدرجه أننا بنجيب عماله من بره.
سفروته: أمال إيه المشكله ؟
تامر: المشكله في أن القهوه اللي جمب الوكانده كلها مغفلين بشرب علي حسابهم

وفي مكتب ماجد

ماجد :تامر هى مش قصدها ترفدك
تامر : لأ كان قصدها تديني إستماره سته
ماجد : أنا هعملك خصم جزا وتشوف شغلك وتكمل معانا
تامر: تاني ما انا بعد اول ساعتين من شغلى هنا عطتنى المديرة خصم شهر
ماجد : مش أنت لوحدك كلكم علشان الأهمال ده
تامر: إهمال إيه ما إحنا بنشتغل كويس ومفيش زبون إشتكي
ماجد: لأن مفيش زباين أساسا
تامر : والخصم دا كام بقى
ماجد: شهر...يعنى المراقبة تديك شهر...وانا المدير اديك اقل...دا عيب قوى
تامر: وهناك شهر كده يبقوا أتنين صح
ماجد :و أي إخلال في العمل مفيش خصومات في رفد علي طول مفيش تليفزيون ولا نت ولا نوم ولا قهوه ومفيش سجاير ومفيش.....ورن التليفون
ماجد:الو.... ايوة....فرح تانى....هو انا ناقص...مينفعش احضر...خطرك على راسى ...بس.....
تامر : ماشى يا عمو...عايز حاجة
ماجد شاور له بيده وكمل:طيب...ياريت مفيش تورتة فى الفرح...دا انا كنت.......

وفي الريسبشن

سفروته :عاجبك الشغل ده؟
دوما: خصومات وشغل نار أنا جبت أخري بجد
سفروته : إيه رأيك نشوف موضوع كتكوته يمكن يجيب فايده؟؟
دوما: مممممممممممممممممممممم
سفروته: مفيش مممممممم عندك حل تاني ؟
دوما : لأ يلا بينا

وإتصلوا بكتكوته اللي نزلتلهم الريسبشن

كتكوته: عايزين تروحوا لماريان؟

دوما: هي إسمها ماريان .....طيب ازاى تساعدنا؟
كتكوته عايزين ولا لأ
سفروته: عايزين هي ساكنه فين ؟
كتكوته مش هتعرفوا توصلولها تعالوا معايا وأنا هوصلكم ليها

وفي بيت ماريان

دوما: مال المكان هادي كده
كتكوته: مش بيت شيخه؟
سفروته: أنا مش عارفه أبلع ريقي دا أنا دمي نشف
كتكوته لو عايزين تخلصوا من المديرة هي دي اللي هتخلصكم منه

ودخل عليهم ولد لابس طرطور

دوما : ودا يطلع مين دا كمان
سفروته : دا جني قزم مش كده ؟
جيجى2: لأ دا (بيتر ) الخادم
دوما : مش باين أنه بيتر خالص دا فار
بيتر أنتم مين وعاوزين إيه؟
كتكوته إحنا عاوزين الست ماريان قولها كتكوته
بيتر : الست عندها إجتماع طارئ في وزاره الجن وجايه بعد شويه
دوما : كده أنا عرفت هما ليه لغوا وزاره الشباب والرياضه علشان يحطوا مكانها وزاره الجن
سفروته: ما شاء الله وزاره الجن ؟ دي باين عليها واصله
كتكوته مش قلتلك
بيتر جاي بيتنطط : الست جت
دوما :يا عم بلاش الفزعه اللي أنت فيها دي
سفروته: طب يلا ندخلها علشان نمشي
بيتر : مش هتقدروا تدخلوا دلوقتي علشان الست بتشرب الكباتشينو بتاعها مع جن من الهند
دوما : الله الله جن من الهند طب مفيش جن باكستاني علشان شاحح من السوق؟
سفروته : أنا عاوزه أمشي
كتكوته جمدي قلبك وأصبري
بيتر: أدخلوا بسلام عليكم الأمان
دوما: يا عم إنت في مسرحيه.... روح في داهيه كده

ودخلوا أوضه مش هوصفها علشان أنتم عارفينها طبعا حى حىحى مدااااااد
عادي يعني أوضه عاديه من بتاعه السحره في الأفلام اللي بتشوفوها
عفركوش إبن برتكوش وجاميكا والكلام ده

أوضه مدهونه لون سماوي ........علشان الشغل طبعا
صالون تركي من الغالي.........لزوم القعده
صور تامر حسني وعمرو دياب.....هما دول اللي بيجيبوا الجن كلهم
دي في دي بلاير سوني........موسيقي تصويريه
دولاب أسطوانات.........إسطوانات الموسيقي التصويريه
لاب توب.............للتواصل مع الجن البعيد
وريحه بيرفام باريسي من اللي قلبك يحبها ......طبعا البخور دا قدم خلاص
20 دبدوب من أبو 95 جنيه.......معرفش لزمتهم إيه
وصوت هانى شاكر بيغنى...غلطة وندمان عليها...وبقولك واسمعيها.....

أما بقي هي طبعا مش هقولكم كفايه كده

دوما : إيه دا يا عم دا أنا داخل نايت كلب
كتكوته بس إهدا علشان الأسياد
ماريان : هاي يا جماعه تعالوا أنتم خايفين ولا إيه ؟
سفروته :سيبتي ركبنا أمال إيه الديكور اللي عاملاه في أوضه الأستقبال ده
ماريان: دا علشان الزباين تمشي علشان مشغوله اليومين دول
دوما : أه طبعا جن من الهند
ماريان: ومن باكستان كمان ياقمر
دوما: سبحان الله كنت لسه بسأل عنه
ماريان: عموما خلونا نشوف شغلنا بتشتكوا من إيه ؟
دوما: كان عندي كحه في الركب من كام يوم
ماريان: إنت بتهزر مش عارف أن الأسياد ممكن تأذيك ؟
دوما: هه
سفروته: المديرة بتاعنا ....
ماريان: بس عرفت مطلعة عنيكواوعايزين تعملولها عمل صح ؟
سفروته: وعرفتي إزاي ؟
ماريان: كله بيبان ياقمر
دوما: هه طبعا كتكوته قالتلك
كتكوته: محصلش
ماريان: أنت بتشكك في قدره الأسياد
دوما: أسيااااااااااااااااااد طيب
ماريان: بس الأسياد ليهم طلبات علشان أعملكم العمل ده
دوما: عايزه كام ألف قولي ؟
ماريان: فلوس ؟؟؟؟؟؟؟؟؟ أنا بتاعه فلوس ؟؟؟؟؟الأسياد عايزين فلوس
دوما: أمال عايزين إيه ؟
ماريان: شوف ياقمر الأسياد مبيطلبوش فلوس ولو أنت مش واثق فيا مكنتش جيت أساسا
دوما: صح كنت جبتلك تامر كان خللى القعده كوميديا
كتكوته: بس يادوما متضيقش الأسياد
دوما: هه لما نشوف
سفروته طب وطلبات الأسياد إيه ؟؟
دوما: عايزين ألبوم حسام حبيب الجديد جوه قلبي
ماريان: أنا هسيبك براحتك بس لو الأسياد ضايقوك مليش دعوه ماشي يا قمر ؟
سفروته : خلاص يا دوما .... إيه بقي طلبات الأسياد
ماريان: أسألهم

وطلعت الموبايل و إتصلت

ماريان: أه المديرة أه......دوما وسفروته هما اللي عندي....... طب إيه الطلبات........أه ماشي ........تمام........أه.......ياه بس دا صعب ......... أه طيب أنا هقولهم ........أوكي ابقى رن عليا او ابعتلى مسجعشان اطمن عليك

دوما: يا صلاة النبي بتكلمي جنى في الموبايل
ماريان : طبعا دا من أمريكا
دوما: طب ما تخليه يعمل عمل لبوش
ماريان: لأ أصله معاه الجنسيه الأمريكيه
دوما: أها طب ما تقولي كده ؟
سفروته: إيه الأخبار ؟
ماريان: عاوزين
قصقوصه من البدله بتعته
ريشه من ديك أحمر
شعرايه من خروف أعزب
تفاحه من تفاح اليمن
دبوس طرحه من اللي راسه مبططه
البوم تامر حسني الجديد
بس

دوما: مش عايزه لبن العصفور بالمره واعزمهم على الغذاء بالمرة
ماريان: لأ
دوما: إيه الطلبات دي ؟؟؟؟؟
سفروته : طب يلا نجيبها علشان نخلص من المدير
دوما: أنا مش هعمل الخرافات دي
سفروته:دوما ....وبعدين...إهه
دوما: خلاص أمري لله بس نقوم من هنا
سفروته : يلا بينا نجيب الطلبات ونرجع تاني
كتكوته وأنا هساعدكم
ماريان: أوكي يا جماعه أشوفكم بكره باااااااااااااي

وفي الوكانده

سفروته : جبت الطلبات ؟؟
دوما: أدي ريشه الديك الأحمر إشتريت 30 ديك علشان دي
وأدي شعره الخروف و أنا أعرف إزاي أساسا أنه أعذب ولا لأ حاجه تطير برجين من الدماغ فرحت جبت شعره خروف لسه مولود دكر مش كده تمام ؟
سفروته: لأ بتعرف تفكر
دوما: وأدي تفاحه اليمن
سفروته: إيه دا أنت سافرت ؟
دوما: لأ جبتها من عند واحد صاحبي يمني
سفروته : و أدي قصقوصه البدله ودبوس الطرحه
كتكوته وأدي ألبوم تامر حسني يلا بينا نروحلها
دوما: روحولها أنتم أنا مش رايح تاني ال ألبوم تامر حسنى ال

وعند ماريان

ماريان : كده تمام ربع ساعه والعمل يجهز

وبعد ربع ساعه

ماريان : شوفي يا سفروته إنتي تمسكي البودره دي وترشيها علي باب مكتب المديرة وهى هتعدى عليها فالسحر مفعوله يشتغل
سفروته: ودا مفعوله أكيد ؟ أصلك متعرفيش المديرة ؟
ماريان : جربيه ومش هتخسري حاجه
بعد إذنكم علشان عندي لقاء في تليفزيون الجن
علي قناه جن تي في
وبعده مضطره أسافر باريس علشان حفله عيد ميلاد واحده صحبتي
أه صحيح أولي لدوما يجيبلي ألبوم حسام حبيب علشان مش عندي ماشي ياقمر باااااااااااااااااااااااااي

وفي الوكانده

سفروته: رشيت البودره زي ما قالتلى ماريان
دوما: هه لما نشوف
كتكوته أنا واثقه أن مفعوله هيشتغل
سفروته: تعالوا نراقب السكه علشان نشوف المديرة عدت عليها ولا لأ .........

وفجأه الباب إتفتح وخرجت المديره

ياترى ايه اللى هيحصل ؟؟

ياترى السحر هيشتغل فعلا ولا هيطلع خرافات ؟؟

يا ترى دبوس ومايكل هيرجعو الشغل تانى ؟؟

ياترى العروسه الجديده اللى ماجد رايح فرحها هتعمل ايه ؟؟

كل هذه الاساله لم تجدو اجابتها الا فى الحلقه السابعه

استـــــــــــرهـــا معــــــــانـــا يــــــارب

لو مشتغلش شكلى هيبقي وحش اوى
بس انا مش بؤمن نهائى بالفوزعبلات دى الحلقه الساديه من مسلسل لوكندت الاصدقاء 966825

شكلك هتودينى في داهيه كمل كمل الحلقه الساديه من مسلسل لوكندت الاصدقاء 872441

نووورتى الحلقه يااااقمر
وسعيد بمرورك ياجميل

ههههههههههههههه
الحلقه لذيذه جدا
ربنا يسطر على جىجى
شكلها هتموت يا اما هتموت
Sad

ههههههههههههههههههههههههههههههههههههههههههههههههههه

جامد يا حبى بجد

بس احلى حاجة بتعجبنى كلمة استرهاا معانا يارب الى بتقولها فى الاخر الحلقه الساديه من مسلسل لوكندت الاصدقاء 966825