كيفية تثبيت البنات .. حصرى !!

افي مؤتمر في سويسرا لبحث كيفية تثبيت البنات تقدمت ببحث في تأثير حركة العين الشمال عند الولد على عملية التثبيت و توصلنا في البحث إن البنت أول حاجة بتلاحظها في الولد حركة النني و عدد شعرات الرمش لذلك لابد أن تحرص على تدريب عضلة النني من أربع إلى خمس ساعات يومياً مع إتباع نظام غذائي محدد علشان تعرف تثبت ..
البنـــــــــــات
(مش عايز أتوهكم و أدخل في مسائل علمية لإني عارفكم جهلة ولذلك هشرحلكم بالبلدي)
يعني أول ما تشوف البت تروح يا معلم مشغل العضلة الشمال للنني و تغمز غمزة 2 قدم و نص بزاوية ألفا 27 درجة و تروح قايلّها ( لو سمحتي ممكن دقيقتين من وقتك؟) أول ما تسألها السؤال ده اللي هيحصل كالأتي :-
الاحتمال الأول انها تقول ( نعم ) و ده بنسبة 65% و هيترتب عليه اللي هنقوله بعدين
الإحتمال الثاني انها طبعاً تقول ( لا ) و ده بنسبة 80 % و محدش يسألنتي إزاي و هيترتب عليه اللي هنقوله بعدين برضه...
و في طبعاً آخر إحتمال بنسبة 100% إن هي هتبصلك بقرف و مدام بصتلك بقرف يبقى انت مفهمتش موضوع العضلة... ونرجع للإحتمال الأول:-
انها تقول ( نعم ) ترد انت تقول (نعم الله عليكي) هتقولك (خير) قولها (خير ان شاء الله) و تشغل العضلة بس اتوصى و إتّك عليها شوية هتقولك (مال عينك ؟) قولها (خناقة) و بكده تصعب عليها تروح هيا مكلماك و تظبط يا معلم وهتعيش بس ابقى عرفني على بنت خالتها ......
الإحتمال الثاني انها تقول( لا )في الحالة دي بقى عايزة تتكلم بس هي بتتقل و مدام تقلت يبقى خرشمت و موضوع العضلة صعب في الحالة دي ، إذاً مفيش غير موضوع أنا كنت عرضته في مؤتمر تاني في السنغال الشرقية لأن الطريقة دي أثبتت فعالية في تثبيت البنات السود و اللي بيتقلوا اللي هي (طريقة 325 جنايات) تقولها بستهزاء و انت بتبتسم إبتسامة ساخرة ( ايه التقل ده انتي حاطة في جيوبك ظلط ؟ ) طبعاً هي ممكن يغما عليها من دمك الخفيف يا خفيف فا هتروح انت مدي ميزد كول للإسعاف بالموبيل بتاعك ، هما طبعاً مش هيفهموا حاجة من الميزد ده لكن هي هتفوق و تروح مرمية في حضنك بمجرد انها شافت الموبيل معاك وياسلام لو بكاميرا.أو لو كان نوكيا (إن 96) اللي بـ 4000 جنيه
و بكده انت بدأت تحط رجلك على طريق التثبيت بس اغسلها الأول وبلاش تحط رجلك و هي معفنة و خطي برجلك اليمين وابقى قابلني لو
إتعرفت على أي بنت.
نيهاهاهاهاهاهاههههههههههههههها
عموماً ، أنا بكتب في مواضيع كتير عن التثبيت لأنها دي در اسة الدكتوراة بتاعتي و في مقالات هتنزل في المستقبل القريب منها (التثبيت بالعربية) و ( ثبت نفسك بنفسك) و (ثبت صنم ) و (شكل توكت الحزام و تأثيره على البنات)....ترقبوا قريباً كل جديد في عالم التكنولوجيا خلي بالكم في باب رائع بعنوان (التثبيت بالموبيل) حالياً بالاسواق على سي دي وكاسيت .... إنتاج روتانا
و على رأي المثل سحراني ليل و نهار أأأأأأأأه من الهواء و منه

ولكم تحيـــــاتى
فـــــــــــــادى