ترنيمه لما الحمل بيتقل

قرار: لما الحمل بيتقل يتقل فوق اكتافى
لما الشر بشوكة بيجرح قدمى الحافى

لما مرارة كل خطية تمرر حلقى
بالقى دموع التوبة ياربى دوايا الشافى

1/ بالقى الراحة ساعة صلاة بتكون وياك
اية اتامل فيها ياربى فى قعدة معاك
لما اتامل فيها باعيشها فى الانجيل
تبقى جناح يرفعنى ياربى واطير لسماك

2/ وقتها بالقى حملنى ده كله خف وزال
وكأن انت يا ربي رفعته قوام فى الحال
بالقى الراحة ياربى حقيقة وانا وياك
تبقى حياتى ملاها سعادة وفيها سلام

3/ بانسى الشوك والشر وبانسى كل خطية
وافتكر ان انا ابن وعود صادقة وسماوية
بافتكر ان انا اخدت النصرة على ابليس
يوم مافتحت بدمك انت الفردوس ليا