أنجيل متى:-

سلسلة أعرف كتابك( العهد الجديد):-
1- أنجيل متى:-
أنجيل متى من ضمن الأناجيل التى يطلق عليهم الأناجيل المتشابة( وجود نفس الأيات مع أختلاف بسيط).
سؤال:- ماهو معنى كلمة أنجيل؟
ج- كلمة أنجيل : هى كلمة يونانية معناها الخبر السار أو البشارة المفرحة.
سؤال: من هو كاتب انجيل متى؟
ج- هو متى (لاوى) احد التلاميذ الرب يسوع.
سؤال: اية معنى اسمه(متى)؟
ج- متى هو اسم عبرى معناه ( هبة الله أو عطية الله).
سؤال: اية كانت وظيفته؟
ج- كان بيعمل جابى ضرائب(مثل مأمور ضرائب الان) تحت الحكم الرومانى و كان من اصحاب المهن المكروهين من الشعب و من اصحاب السوعة السيئة وقتها.
سؤال: طب هو كتب الانجيل دة لمين؟
ج- هو كتبة مخصوص لليهود.
سؤال:طب هو كاتبة لليهود لية و علشان اية؟
ج- الغرض الاساسى من كتابته هو أظهار لليهود أن يسوع الناصرى هو المسيا(المسيح) الملك الذى جاء عنه فى نبوات العهد القديم.
سؤال:طب ممكن اعرف هو اتكتب امتى بالظبط؟
ج- اتكتب فى حوالى سنة60-65ميلادية.
سؤال: طب ممكن اعرف هو بيدور حوالين اية بالظبط؟
ج- يعتبر انجيل متى هو حلقة الوصل بين العهد القديم و العهد الجديد لانه بيركز على أتمام نبوات العهد القديم التى تمت كلها على الرب يسوع له كل مجد.
سؤال: طب اية الاية التى تعبر اساسية فى الانجيل دة؟
ج- هى متى17:5( لاتظنوا انى جئت لانقد الناموس ( الشريعة و الانبياء) ماجئت لانقد بل لاكمل).
سؤال: ممكن اعرف مين الشخصيات الرئيسية فى انجيل متى؟
ج- 1- الرب يسوع .2- العذراء مريم.3- يوسف النجار.4-يوحنا المعمدان.5 التلاميذ.6- القادة الدينيون.7- قيافا.8-بيلاطس.9- مريم المجدلية.
طب كدة حلو خالص
طب ممكن سؤال
سؤال: ممكن تقولى اية الاماكن الرئيسية فى الانجيل دة؟
ج-1- بيت لحم.2- اورشليم.3- كفر ناحوم.4- الجليل.5- اليهودية.
سؤال: طب ممكن اعرف اية اكتر كلمة اتكررت فى الانجيل دة؟
ج- 1- لقد ذكرت كلمة الملكوت فى انجيل متى حوالى 50مرة و كلمة كلكوت السموات حوالى33مرة .
طب ممكن سؤال؟
سؤال: ممكن اعرف كام نبوة من نبوات العهد القديم اتحققت فى الانجيل دة؟
ج-حوالى 65نبوة من نبوات العهد القديم و كلها اتحققت على الرب يسوع من ساعة بشارة الملاك للعذراء مريم الى موته و قيامته و صعودة.
سؤال: طب انجيل متى كام اصحاح؟
ج-28اصحاح.
طب سؤال تانى ممكن
سؤال:ممكن تقولى انجيل متى اية اللى بيخليه مختلف على باقى الاناجيل؟
ج- بيتفرد انجيل متى عن باقى الاناجيل بالكلام عن الكنيسة فهو يكتب كراعى يعالج المشاكل و التساؤلات و بيركز متى على الايام الاخير فى حياة الرب يسوع على الارض مثل العشاء الاخير( التناول) و الصلاة فى بستان جثسيمانى وخيانة يهوذا و هروب التلاميذ و انكار بطرس و المحاكمة الظالمة للرب يسوع امام قيافا ثم امام بيلاطس و كلمات المسيح الاخيرة على الصليب ثم موته و دفنه فى قبر جديد مستعار لكن القصة لم تنتهى هنا لان المسيح قام من الاموات ساحقا الموت و صعدللسماء.
سؤال: طب ال28اصحاح متقسميين ازاى ممكن تقولنا؟؟
تقسيم انجيل متى الى 3 اقسام و هم كالتالى:-
1- ميلاد يسوع الملك و اعداده (من اصحاح 1 لغاية4).
2-رسالة و خدمة يسوع الملك( من اصحاح4 لغاية اصحاح25) و هى تقسم الى :-
1- يسوع يبدأ خدمته و هو عمره30سنة.
2-يسوع يقدم العظة على الجبل(اصحاح 5 و6 و7 و دول يعتبر الشريعة المسيحية التى قالها الرب يسوع له المجد).
3-يسوع يعمل معجزات كتيرة(على فكرة زمن المعجزات لم ينتهى لان الله هو هو أمس و اليوم و الى الأبد).
4-يسوع بيتحدث عن الملكوت بامثال لكى يفهم الناس.
5- يسوع يواجهة ردود فعل مختلف لرسالته.
6- يسوع بيواجهة صراعا من القادة الدينيين.
7- يسوع بيعلم على جبل الزيتون.
3- موت و قامية و صعود يسوع الملك ( من اصحاح26لغاية 28 ).

تسلم ايدك ربنا يعوضك تعب محبتك

العفو يا قمورتي

حلووو اوى ميرسىى