ياترى اى راى الكنيسه فى ................؟

ياترى ايه راى الكنيسه فى ارتباط بنت اكبر من شاب
وكام عدد السنين اللى ممكن يكون بينهم لو البنت هيا اللى اكبر
وهل الكاهن ممكن يعمل اكليل للاتنين فى الحاله دى ؟؟؟؟ ولو لا ليه لا؟؟؟؟؟
وليه من راى كل الناس ان دى حاله صعبه مش كل قاعده وليها شواذ وكل شىء فى الدنيا معرض للنجاح او الفشل ولو كل الناس اجمعوا على الفشل ستظل ايضا نسبه ولو ضئيله للنجاح
وياريت الاجابه يراعى فيها اخد راى العقل والقلب

اهلا بيكى معانا ونورتى المنتدى ياجميل

اكيد الاجابه هنراعى فيها كل اللى انتى عاوزاة وهتكون عندك فى خلال يومين

رأى ابونا مش رايى اى حد تانى

واتمنى ان محدش يجاوب من نفسه

انت تسال والررررررب يجيب

صلوا من اجلى

ياترى ايه راى الكنيسه فى ارتباط بنت بشباب اكبر منها بخمسه سنوات مع الرغم من الاتفاق بين الطرفين وهل فرق السن سيودى فيما بعد بمشاكل وارجو الرد عليا سريعا

حبيبتى دوناتلا الاجابه بتااعت سؤالك انا جيبتهالك من الخدام الكبار الانبا بيشوى

احد الخدام :

أعرف عن قرب خادم تزوج بخادمة أكبر منه بعشرة أعوام كاملة.. وقف أمامهما الكثيرون و خصوصاً من أهله .. لكن هما كانوا مقتنعين و معتمدين على ربنا.. هما الآن سعداء جداً و رزقهما الله طفلين جميلين..
لكن أرجوكي تكوني متأكدة من مشاعركما و تطلبا معونة ربنا و إرشاده ..
أوعي في يوم من الأيام تنظري له أو تلمحي له أو تعامليه على أنه أصغر منك لأني قرأت عن خطورة ذلك نفسياً..
و عموماً أحب جداً نصيحة سيدنا البابا كيرلس السادس: لا تقلق و لا تفكر في الأمر كثيراً بل دع الأمر لمن بيده الأمر .. الرب يقود حياتك و يفرحك

احد الخدام :

لا اظن ان الكنيسه تمنع الزواج نتيجه فارق السن-لكن التجارب الاجتماعيه ثبت ان اذاكانت الزوجه اكبر سنا من الزوج فانه ينتج عنها مشاكل كثيره منها انها لا تتقبل قيادته للمنزل مما يزيد المشاكل و الصدام اظن ان فارق السن يجب ان يكون للزوج لاعتبارات اجتماعيه و سيكولوجيه و فسيولوجيه مرتبطه بمراحل العمر للرجل و المرأه........................ -كما ان لو تخيلنا فارق السن كبير-سواء لصالح الزوج او الزوجه-فانه يكون هناك فارق في الادراك و الخبرات و الاولويات و الحكم علي الاشياءوالاحتياجات

احد الخدام :

فى حالت معينة يرضى بها الكاهن...يعنى الكاهن لم يرض بذلك ولكن فى حالة وجود ظروف تطرا على ذلك ففى حينها يوافق.....وفعلا فى حالات ضيئلة جدا

رد الانبا بيشوى

متخديش حد اقل منك فى السن
متخديش حد اقل منك فى التعليم
متخديش حد اقل منك فى التربية
متخديش حد اقل منك فى المستوى الاجتماعى
متخديش حد اقل منك ماديا

اتمنى انى اكون افاتيك بحاجه ومعلش اتاخرت عليكى سامحينى وصلى من اجلى

والاجابه دى تعتبر ليكى بردو يامارينا وياريت تكونى فهمتى بردو كلامهم وربنا يمد ايده فى حياتكم

شكرا جدا على الرد
لكن دى ردود كتير
انا بقيت فى حيره اكتر بكتييييييير
وكل رد مختلف عن التانى

بصى ياحبيبى الموضوع ده يتوقف اكتر عليكى وعليه بمعنى ان هو ممكن يكون اصغر منك بس عقله كبير ويقدر يتحمل مسئولية ويكون ناضج ده بالنسبة للراجل اما بالنسبة ليكى شوفى انتى هتقدر ولا لا انتى اللى تقدرى تحكمى على نفسك هتقدرى انك تكملى وتنسى الفرق ده ولا لا؟؟؟؟
هتقدر لو فرق السن اكتر من سنتين هتقدر انك تكونى 50 مثلا وهو لسه اربعينات ولا لا؟؟؟؟
هتقدرى تنسى الموضوع ده وانتوا متجوزين وتديله احترامة ولا لا؟.؟؟؟؟؟
هيقدر يحتويكى وينسيكى الفرق ده ولا لا؟؟؟؟
ده كله يتوقف عليكى وبالنسبة لابونا مش هيعترض لو الطرفين موافقين عادى
كل الاشياء تحل لى لكن ليس كل الاشياء توافقنى
وانا عندى واحده متجوزة واحد اصغر منها ب 5 سنين وعايشين مبسوطين جدا
علشان كده بقولك محدش هيقدر يحدد زيك او يديكى رأى احسن من عقلك
ده رأيى الشخصى مش رأى اى حد وياريت تلغى قلبك شويه وتدى عقلك المساحه الاكبر لان بعد الجواز مسئوليه كبيرة مش حب وبس دى حياة واسرة والبنت الذكية اللى تعرف تبنى بيتها على الصخر مش على الرمل
اتمنى اكون وصلتلك رأيى وربنا يمد ايده ويكمل على خير لو فيه خير ليكى

انا اتخطيبت مرتين ومحصليش نصيب مع انى فى الاول ببقى مبسوطه قوى وبعد الخطوبه بحس انوه مش هو الشحص لى ممكن اكمل معها ياتاره العيب فيها انى مش عارفه اختر صح ولا هو بجد نصيب ولا ايه Sad

اهلا بيكى يامنى منورة المنتدى

اما بالنسبه لموضوعك فا انا مستغربه من حاجه بس سامحينى فى تدخلى

انتى مش حاسه انك 19 سنه وتتخطبى مرتين ده كتير قوى على سنك ؟؟؟؟؟؟؟

اكيد طبعا لازم تكونى متقلبة العواطف والمشاعر لان الفترة دى والسن ده بيكون لسه متطلع على الدنيا ومش كل الناس زى بعضها لازم تاخدى وقتك كويس وتعيشى سنك كويس وبعد كده تختارى الانسان الصح المناسب ليكى فى كل حاجه واللى مشاعرك تتجزب ليه لكن انتى على كلامك مثلا اتخطبتى وانتى 17 سنه مثلا حرام صغننه جدا انك تاخدى قرار مصيرى زى ده انا بعتزر ليكى انى بقول رأيى بس انا استغربت بس وعمتا هسالك ابونا وهاقولك اكيد ربنا معاكى ويوفقك ياقمر

» ياترى ............
» ياترى هل للحزن نهااااااايه ....؟
» اسرار الكنيسه السبعه هل هي حقيقه ام
» موقف صعب قوى و لازم تمر بيه ياترى هتتصرف ازاى
» ما هى الاسباب التى جعلت الكنيسه تستخدم المزامير