مديح القديس اغسطينوس ابن الدموع (نياحته430/8/28)

+ في كنيسة السمائيين
و الأبرار المنتصرينيشفع في التائبين

القرار : بنيوت اغسطينوس
+
في الخطابة كان ضليع
وفن كلامه بديع
لكن ضلاله كان فظيع
+ يرفض كل مشورة
والإرادة مبتورة
ونفسه غير مسرورة
+ و أمه مونيكا القديسة
على أبديته حريصة
كانت له كنيسة
+ وفضلت على دا الحال
واحد وعشرون سنة طوال
تصلي بطول البال
+ دموعها و لجاجاتها
وصلواتها وطلباتها
السماء قبلتها
+ طلبة باقتدار
و الدموع تجري أنهار
ده ابني يا قدوس يا بار
+ جريت عالكنيسة
أم واعية حريصة
للأسقف أمبروسيوس جليسة
+ قال لها استجاب الرب يسوع
و الطلبة صوتها مسموع
عمره ما يهلك ابن الدموع
+ أغسطينوس قال أنا خاطئ
آه ما أشقاني
العالم مجده فاني
+ يا رب عاوز أتوب
لكن مسبي ومغلوب
جسدي مأسور بذنوب
+ و الروح و الإرادة
مش قادرين ع العادة
اجذبني بزيادة
+ يا ربي أنت الراعي
تفرح بخلاصي
غير قلبي القاسي
+ تترك تسعة و تسعين
علشان واحد مسكين
زي أنا أغسطين
+ سمعت صوتك الخفيف
في إنجيلك الشريف
البسوا يسوع العفيف
+ من مثلك ياربي
حللت قيودي
وقبلت وعودي
+ أن حاعيشلك من الآن
اكشف لي كتابك ببيان
و أسرار شريعتك كمان
+ افرحي يا قديسة
يا أمي العفيفة
دموعك غالية نفيسة
+ يا قديس أغسطين
يا عظيم في التائبين
اشفع في البعيدين
+ اذكر كل إنسان
الضال و التعبان
أمام عرش الديان
+دوما نقرا اعترافاتك
كلماتك وطلباتك
نتمثل بإرشاداتك
+ وفي مسرى نعيد فرحين
في الثاني و العشرين
أذكرنا كل حين
+ تفسير أسمك في أفواه
كل المؤمنين
الكل يقولون يا إله
القديس أغسطينوس أعنا أجمعين

تسلم ايديكي ياجميل علي الترنميه الجامده دي

تقبلي مروري

ميغسي ياخبي