كلمات ترنيمة سيبنى اعيش

أم وحاضنة ضناها بحرقة و بتبكى من نار الفرقة
جسمه متلج جتته زرقة و بينزف وما فى إسعاف
قبل ما يكتر و يذيد ألمه كان فى الفصل و ماسك قلمه
فجأة المريلة شربت دمه مات و لا حد سمع و لا شاف


مش فاهمين
أحنا هناخد ايه من الدنيا غير شبرين
يعجب مين
ليه فى ناس مظلومة و ناس تانيين ظالمين


دنيا و مين هايخلد فيها
طب ليه نقتل بعض عليها
حتى كفنّا مالوهش جيوب
ياللى ماتنعس و لا بتنام
ده العمر اللى مافوهش سلام
عمر و ضايع مش محسوب
يا مولانا أسمع لدعانا
فى جوانا سواد و ذنوب
يا سيدنا ساعدنا أسندنا
(وأنجدنا و كفاية حروب ) 2


و الأم دى ماتت من جوعها جف لبنها أديتله دموعها
لكن ماتت حاضنة رضيعها ماتت حاسة بنار و دمار
طفل بيصرخ و يقول آه و أبوه بيصرخ وياه
أصل منين هايجيبله دواه و على الدوا و الأكل حصار


حد يحوش
حد يحن دى ناس بتأن و شعب حزين
أحنا و حوش
و لا بننسي إن أحنا أساساً بنى أدمين


دنيا و مين هايخلد فيها
طب ليه نقتل بعض عليها
حتى كفنّا مالوهش جيوب
ياللى ماتنعس و لا بتنام
ده العمر اللى مافوهش سلام
عمر و ضايع مش محسوب
يا مولانا أسمع لدعانا
فى جوانا سواد و ذنوب
يا سيدنا ساعدنا أسندنا
(وأنجدنا و كفاية حروب ) 2


أصوات إنفجارات ومدافع ناس بتهاجم ناس بتدافع
أنا ما بعرف شو هو الدافع و شو بيخلى الدم يسيل
أو ليه تبدأ بالعدوان لو انسان طب مأنا انسان
أنا من حقى أعيش فى أمان من غير خوف و دموع و عويل


سيبنى أعيش
ماتقربش لبلدى و بيتى ماترهبنيش
سيبنى أعيش
عايز أنام بالليل فى أمان ماتهددنيش


دنيا و مين هايخلد فيها
طب ليه نقتل بعض عليها
حتى كفنّا مالوهش جيوب
ياللى ماتنعس و لا بتنام
ده العمر اللى مافوهش سلام
عمر و ضايع مش محسوب
يا مولانا أسمع لدعانا
فى جوانا سواد و ذنوب
يا سيدنا ساعدنا أسندنا
(وأنجدنا و كفاية حروب ) 2


مين هايوقف ضرب النار حرب و دايره ليل و نهار
و بيوت تتهد و تنهار و جناين تصبح خرابات
صواريخ و قنابل و رصاص ناس من ناس تانية بتنداس
أيد مرمية و جنبها رأس و جسد بقي أجزاء و فتات


ذنبهم أيه
ناس أبريا بتموت أنا بأسأل غلطوا فى أيه
كل ده ليه
ناس بتموت و مانلقاش قبر نشيالهم فيه


دنيا و مين هايخلد فيها
طب ليه نقتل بعض عليها
حتى كفنّا مالوهش جيوب
ياللى ماتنعس و لا بتنام
ده العمر اللى مافوهش سلام
عمر و ضايع مش محسوب
يا مولانا أسمع لدعانا
فى جوانا سواد و ذنوب
يا سيدنا ساعدنا أسندنا
(وأنجدنا و كفاية حروب ) 2


ليه بقى فى أسلحة نووية صراعات و حشية و دموية
و مافيش فى الكورة الأرضية حتة مافيش جواها خصام
أرحمنا يا رب أرحمنا هات من تانى يا رب سلامنا
داوى جروحنا و أشفى آلامنا أحنا فى محنة كما الأيتام


فين يا ضمير
فين يا ضمير العالم صوتك ساكت ليه
حمل كبير
فوق ضهرنا شايلينه ودايماً ماشيين بيه


دنيا و مين هايخلد فيها
طب ليه نقتل بعض عليها
حتى كفنّا مالوهش جيوب
ياللى ماتنعس و لا بتنام
ده العمر اللى مافوهش سلام
عمر و ضايع مش محسوب
يا مولانا أسمع لدعانا
فى جوانا سواد و ذنوب
يا سيدنا ساعدنا أسندنا
(وأنجدنا و كفاية حروب ) 2


يا ألهنا علشان أنت معانا و أيديك ساندانا و شايلانا
علشان واخد بالك منا وسط العنف سلام يملانا
لينا فى قلب العالم ضيق و مافيش حاجة تبل الريق
بس العالم انت غلبته شقيت لنا فى العتمة طريق


وقت الخوف
مابنخاف داخلنا إيمان عاطينا أمان
مهما نشوف
مهما نقابل عتمة هاييجى النور و يبان


دنيا و مين هايخلد فيها
طب ليه نقتل بعض عليها
حتى كفنّا مالوهش جيوب
ياللى ماتنعس و لا بتنام
ده العمر اللى مافوهش سلام
عمر و ضايع مش محسوب
يا مولانا أسمع لدعانا
فى جوانا سواد و ذنوب
يا سيدنا ساعدنا أسندنا
(وأنجدنا و كفاية حروب ) 2


يا رب أحنا كتير دمعنا وحزنا و كترت أوجاعنا
عن حب يا رحمان جمعنا خضر تانى الأرض البور
نشف دمعتنا على خدودنا دافع عنا و أحمى حدودنا
خلى سلامك أنت يسودنا مشى الضلمة و أبعت نور


مد أيديك
مالناش غيرك و قت الضيقة بنهرب ليك
مد ايديك
أحنا تعبنا و جينا و سيبنا حمولنا عليك

ربنا يباركك يا زينب