| | الحلقه الخامسه من لوكندت الاصدقاء |  |
|
+6تحت ظلك احتمى DOOM سفروتة marcael micheal_keshooo دبوس وتحياتى 10 مشترك |
| كاتب الموضوع | رسالة |
|---|
دبوس وتحياتى
العضــــو الفضـــــــي
 عدد الرسائل : 765
العمر : 38
اسم الكنيسة : مارجرجس بورسعيد
 |  موضوع: الحلقه الخامسه من لوكندت الاصدقاء  الجمعة مارس 27, 2009 6:11 am | |
| الحقه الخامسه
مايكل داخل شايل طاجن سته وسفروته شافته
سفروته: مالك يا مايكل ؟؟؟؟
مايكل : ولا حاجه
سفروته: ولا حاجه إزاي دا إنت شكلك حكايه ووشك مش عارفه ماله ..حصل حاجة لتامر ولا الزبونة الجديدة كتكوته2؟؟
مايكل : لا تامر راح يلعب الماتش فى مركز الكمبيوتر اللى جنبنا...وكتكوته فاقت وزى الفل ومعاها...اسمها ايه..اه كاتى ...اللى مضايقنى المقدم اللي إسمه مينا عزمى
سفروته : ماله؟؟
مايكل: قبض علي سيمى
سفروته: وإنت زعلان ليه؟
مايكل : مش هو دا اللي مزعلني
سفروته : أمال مالك ؟
مايكل : مش قالي هديك مكافأه
سفروته : أه
مايكل : عطاني 50 جنيه ويقولي خد ولع سجاير
سفروته: وولعت ؟؟ هههههههههههههه
مايكل : شكلي كده هولع في الريسبشن بتاعك ده
سفروته : لأ وعلي إيه بلاش أحسن
بنت العدراء : صباح الخير يا انسة!
سفروته:اهلا تنت بنت العدراء امال كنتى فين امبارح ساعة ضرب الرصاص
بنت العدراء :كنت نايمه ...اصلى لما بنام مبحسش بحاجة ولا رصاص ولا حبر
سفروته:هههههههههه...دمك خفيف يا مضروبه
بنت العدراء :طيب بدال انتى رايقة كده النهاردة...ممكن اسالك مكالمة الهند جت ولا لسه
سفروته قلبت وشها وزمجرت ونظرت له بغضب ثم رن جرس التليفون
بنت العدراء : اكيد هى دى ليا ياااااااااااااارب
ردت سفروته عليه وبعد كده
سفروته: المدير عاوزني أنا ومايكل و دبوس
مايكل : وعاوز إيه دا الأخر عايزني أولعله في الوكانده كلها
سفروته: لأ عاوزك تنده دبوس وتيجي أوضه المدير وانا حنادى دوما ونروحله
مايكل : يا دي النيله ودا ألا قيه فين إن شاء الله
سفروته : علي القهوه اللي جمب الوكانده
وفي القهوه
وراح مايكل علي القهوه لقي دبوس عايش حياته في الشطرنج
دبوس: كشششششششش ملك هاهاهاهاهاهاهاى مات الملك يا برنس يا برعي المشاريب عالزبووووووون
مايكل : قوم تعالي معايا المدير عاوزك
دبوس :أهلا بالكينج تعالي خدلك دور يا كبييييير
مايكل: لأ مش فاضي المدير عاوزنا يلا
دبوس: خير كفالله الشر
مايكل :خير ؟؟ هو إحنا شفنا من وراك خير من ساعة ما جيت
دبوس : هههه علي رأيك ويا ترى عايزنا فى ايه
مايكل : علمي علمك يلا تعالي
دبوس: طب أصبر لما ألاعب الزبون ده دي فيها أكله فراخ مشوية
مايكل: لأ يللا
دبوس : يا عم سيبك من المدير أقعد ......... يا واد يا برعي هات شاى لمايكل ...يااااااااااااض
مايكل : مش عاوز شاى
دبوس : خليها ينسووووون ....ياااااااااااااااض
مايكل: مش عاوز أشرب قوم معايا يلااااااااااااااا
دبوس : طيب ....طيب...أستر يا رب | |
|
 | |
دبوس وتحياتى
العضــــو الفضـــــــي
عدد الرسائل : 765
العمر : 38
اسم الكنيسة : مارجرجس بورسعيد
| | موضوع: رد: الحلقه الخامسه من لوكندت الاصدقاء الجمعة مارس 27, 2009 6:12 am | |
|
وفي أوضه المدير
دخل دبوس ومايكل اوضة المدير ووجدوا دوما وسفروته موجودين ووجدوا طائر وتوتى وماجد بيتهامسوا فى موضوع
دبوس :عمو ماجد كنت فين امبارح يا عسل
مايكل :مش كنت جيت عمو تشوف المصيبة اللى كنت فيها
ماجد :معلش كنت بعزى فى العريس اصله مات امبارح
مايكل :عريس...عريس ايه
قاطعهم طائر
طائر : أنا جمعتكم النهارده علشان أقولكم خبر يمكن يحزنكم شويه
دوما : هنقفل الوكانده ؟؟؟؟؟ ياااااااااه ليه كده
سفروته : يا سلاااااااااام أصدي ليه كده
دبوس : أحسن يلا الواحد يشوفله شغلانه تانيه
طائر : لوكانده إيه اللي أقفلها إنتم إتجننتم دي لوكانده أجدادي وأجداد أجدادي أقفلها
دوما بصوت واطي : ليه يا عم من أيام الفراعنه
سفروته بصوت واطي : يا فرحه ما تمت
دبوس :يادي النيله أمال جمعتنا ليه ؟؟
طائر : أنا جمعتكم النهارده علشان أقولكم أني مسافر كوالالمبور
مايكل : فين الشنط؟؟؟؟؟؟؟؟؟؟؟؟
توتى : تروح وترجع بألف بالسلامه
دوما : يلا بالسلامه يا كبير هتوحشنا من القلب والله دي هتبقي قشطه بالموز يا معلم
طائر : أنا عارف كويس شعوركم الكويس ناحيتي وخصوصا إنت يا دوما
بس في حاجه لازم تعرفوها إن الوكانده أكييييييد مش هتدير نفسها علشان كده أنا هسلم الوكانده لماجد
توتى:طيب والمراقب العام مين اللى حيمسكو بدل ماجد
طائر :جيجى)تحت ظلك احتمى )
دوما : بنت ؟؟؟؟؟؟؟؟؟؟ تمااااااااااااااام
سفروته : خير ما فعلت أحسن إختيار والنعمه
دبوس :دي هتهيص يا معلم تأكد أننا هنعاملها بكل إحترااااام
طائر : أنا كنت واثق من الرد ده وهي هتجيلكم بكره بالليل إن شاء الله
ماجد :خدوا بالكوا انا مش حسمح بتسيب...لو طائر مش عارف يشغلكوا انا حعرف
طائر بزعيق:نعم...انت من اولها حتنيل الدنيا
ماجد بارتباك:لا..لا...قصدى حكون شديد معاهم ...فيه شدة..فيه حزم....فيه حد الظاهر بيتصل بيا....الو ....ايوه..ماتت....العروسة هى كمان ماتت..لا حول ولا قوة الا بالله...طيب خليكى ثانية واحدة معايا
ماجد :معلش ياطائر ...حمشى دلوقتى عشان موضوع مهم....عاوز شدة...عاوز حزم....عاوز حاجة انا ماشى....سلام
طائر يضرب كف على كف :عليه العوض ومنه العوض...اتخرب الفندق!!!
توتى :خلاص استعدوا بكره للمراقبة الجديدة جيجى
دبوس: هروح أجيب الطبل البلدي وحصانين
طائر : مش عايز أوصيكم أنت يا دوما خلي بالك من الحراسه كويس وماتنمش والكلام موجه ليك يامايكل مسئولية الامن بين ايديك
وأنت يا دبوس عايزين زباين كتير وما تدخنش في الوكانده
وأنت يا سفروته بلاش التليفزيون دا وبلاش الشات اللي ملوش لزمه توتىمش حوصيكى
مش هوصيكم كلكم
كلهم : متخفش ......
طائر : طيب أسيبكم أنا تعالي يا مايكل وصلني المطار
وسافر طائر وياريته مكان سافر
عدل سابقا من قبل دبوس وتحياتى في الجمعة مارس 27, 2009 6:27 am عدل 1 مرات | |
|
| | |
دبوس وتحياتى
العضــــو الفضـــــــي
عدد الرسائل : 765
العمر : 38
اسم الكنيسة : مارجرجس بورسعيد
| | موضوع: رد: الحلقه الخامسه من لوكندت الاصدقاء الجمعة مارس 27, 2009 6:16 am | |
| وتاني يوم في الريسبشن
دبوس داخل ومعاه الملبور المستورد والولاعه المفتخره ولعها و إشتغل
توتى : ان غاب الCat العب يا
Mause
سفروته :طبعا ما اللي كان ماسكك مشي
دبوس : الحال من بعضه شوفي التليفزيون ده ولا النت والتانية قاعدة تحط مونيكير فى الريسبشن
توتى :عموووووو...متكسفنيش بقى...عموووووووووو
سفروته : دا أنا شميت نفسي
دبوس خد نفس كبيير من السيجارة: ياه ....ياه.... دا الواحد فعلا شم نفس
سفروته : أمال فين دوما ؟
دبوس : بيحرس السرير
سفروته : دي الساعه 3 الظهر
دبوس : سيبيه دا بيتعب يا عيني هاهاهاهاهاى
سفروته :طيب...ومايكل...وعمو ماجد؟؟!
دبوس :مايكل نزل بعد الفجر راح يصتاد سمك ولسه ماجاش...وعمو ماجد بيتكلم فى التليفون من تلت ايام!!
دوما داخل وبيتمطع
دوما: هااااااااااااااااااااااو هي الساعه كام
سفروته : وعليكم السلام الساعه اللي إنت فيها خليك فيها
دبوس :ودي تطلع كام دي علي كده الساعه بتعتي مخرفه خااااااالص
دوما: حد سأل عليا
سفروته : مفيش حد مين هيسأل عليك ؟
دوما : علي رأيك يا سلام الواحد منمش كده من فتره
دبوس : 12 ساعه نوم.... يدوب جسم الواحد يبدا يفك ....مش كده؟
دوما: دايما فاهمني يا حبى.... أشوفك باليل
وفي الليل
دوما : عايز أنااااااااااااام
سفروته : حلقه المسلسل هتبتدي
دبوس : فييييييين الملبور ممعكش واحد يا دوما..هو مايكل لسه مجاش من الصيد دا من الفجر ليكون جرى له حاجة
سفروته :متخفش عليه ....تلاقيه ولا بيصيد ولا حاجة...دا كان نفسه يروح السيما..تلاقيه بيلف على كل سيما بيتفرج على فيلمها ...واخر ما يخلص حيرجع
وفجأه دخلت الوكاندهأنسه محترمه ويارتها ما دخلت
الانسه : مساء الخير
دبوس: أهلااا يا عسل إيه النور دا هي الشمس بتطلع بالنهار؟؟؟
دوما : لأ باليل يا خفيف أهلا يا جميل
سفروته: ما تحترم نفسك إنت وهو مساء النور
الانسه : مش دي برضو لوكانده عهد الاصحاب
دبوس : هي بعينها
دوما: تماااااااااااااااااااام
سفروته : في إيه ماتهدوا شويه ؟ هي الوكانده يا أنسه
الانسه : وأنتم بقي مين ؟
دبوس ولع السيجاره : والله عال اللي جاي يسأل اللي قاعد
دوما : إحنا اللي نسأل
سفروته: مش نعرف إنتي مين الأول؟
الانسه : فين مكتب المدير
سفروته: هههههههههههههههههه المدير ؟؟؟ ههههههههههه
دوما: راح بالسلامه
دبوس : طار في الهوا شاشي وإنت متدراشي يا جدععععععع
الأنسه : بس أنا عرفتكم دوما وسفروته ودبوس صح
دبوس : الله ينور عليكي
الأنسه : فين بقي مكتب المدير ؟
دوما: برضو ؟
سفروته: ما تخلصي وتقولي إنتي ميييييييييين خلنا نشوف المسلسل اللي ضاع نصه
عدل سابقا من قبل دبوس وتحياتى في الجمعة مارس 27, 2009 6:29 am عدل 1 مرات | |
|
| | |
دبوس وتحياتى
العضــــو الفضـــــــي
عدد الرسائل : 765
العمر : 38
اسم الكنيسة : مارجرجس بورسعيد
| | موضوع: رد: الحلقه الخامسه من لوكندت الاصدقاء الجمعة مارس 27, 2009 6:21 am | |
| الأنسه : أناجيجىالمراقبالعام الجديد للوكاندهدبوس: مش تقولي كدهمن الصبح ...وراح مطلع واحده ملبوروولعجيجى : إنت بتدخن فيالوكانده ؟دبوس : بغير ريحهالوكاندهسفروته:أقعدي معايا نشوف المسلسل ..ولا ملكيش فيه خدي الكمبيوتروشدىجيجى :تليفزيونوكمبيوتر؟؟سفروته : الفاضييعمل قاضيدوما: طب أسيبكم أناهاااااااااااااااوعلشان وراياسرير عايز حراسهجيجى:تنام طب والحراسه؟
[b]دوما: نم مبكرا وإستيقظ مبكرا
جيجى : أوكي خصم 15 يوم من كل واحد فيكم فين بقي المكتب ؟
وتاني يوم الصبح
سفروته قاعده شايله طاجن ستها هي كمان ......وكاتى نازله السلم وراحت الريسبشن
سفروته: فار تاني ؟
كاتى: لأ مالك فيه إيه ؟
سفروته : مفيش دي المديره الجديده بس إنتي عاوزه إيه ؟
كاتى : أنا رايحه مشواركده وهرجع باليل خدي المفتاح
سفروته: يلا بالسلامه
دبوس داخل بيهلوس
دبوس : 15 يوم دا إفترا 15 يوم 15 يوم
سفروته: أدي اللي كنا فاكرينها سهله
دبوس : يعني إيه مفيش سجاير لمده شهر شهر ؟؟
سفروته: قول مفيش سجاير خاااااالص أحسن تديك 15 يوم تاني ههههههههههههه
دبوس : حرام حرام حرام
سفروته: فين دوما ؟ وفين مايكل؟!
دبوس :دوما قاعد يحرس في عز الشمس نفوخه ورم...ومايكل شافته امبارح وهو راجع وراحت عطته شهر خصم ...وراسه والف سيف ليسيب اللوكندة
سفروته: دا كده الموضوع زاد عن حده
جيجى طلعت من مكتبها وجايه علي الريسبشن
جيجى :صباح الخير عاملين إيه
.........
جيجى :أكيد تمام طبعا ....طب الحمد لله ....أنا خارجه في مشوار كده وهرجع باليل
دبوس: بالسلامه...يارب تتوهى
جيجى :بتقول حاجه ؟
دبوس : بقول مع السلامه ألف سلامه أجي أوصلك؟
جيجى :لا مفيش داعي شوف شغلك القطر قرب ييجي عايزين زباين كتير
دبوس : ربنا يسهل وبصوت واطى ( ابقى قبلينى لو دخل زبون واحد بعد كدا الوكانده دى )
جيجى:أه صحيح فين دوما؟
سفروته : في الشمس قصدي بيحرس
جيجى :أنا واثقه فيه طبعا ......ومايكل...وماجد؟؟!
دبوس:مايكل ..فى اوضته...ومصمم يمشى من اللوكندة
جيجى:مممممم....انا حشوف الموضوع ده...طب وماجد؟
سفروته :خرج من بدرى وهو متضايق....انتى زعلتيه فى حاجة
جيجى :وبرضه حشوف الموضوع ده لما ارجع...الله...فين توتى؟
عدل سابقا من قبل دبوس وتحياتى في الجمعة مارس 27, 2009 6:30 am عدل 1 مرات | |
|
| | |
دبوس وتحياتى
العضــــو الفضـــــــي
عدد الرسائل : 765
العمر : 38
اسم الكنيسة : مارجرجس بورسعيد
| | موضوع: رد: الحلقه الخامسه من لوكندت الاصدقاء الجمعة مارس 27, 2009 6:23 am | |
| سفروته :بعد ما ادتيها 15 يوم خصم قعدت تعيط...تعيط...وبعد كده راحت عشان تشوف شغلها فى اللوكانده من وش الفجر لحد دلوقتى مقعدتش
جيجى :اظاهر فى مواضيع كتير مستنيانى لما ارجع بليل.....يلا سلام عليكم ....شوفي شغلك كويس يا سفروته
سفروته : طيب
دبوس: دا أنا أول مره يثبتنى التثبيته دى ؟ إيه الهبل ده بقى
سفروته: هتمشيك عالجين متلخبطوش
دبوس : طيب مش هي جايه بالليل الواحد يشم نفسه دلوقتي
سفروته: وأنا ألحق إعاده المسلسل اللي ضاع عليا بسببها
دوما داخل
دوما :اااااااااااااااه يا نفوخي
سفروته : ريح شويه في أوضتك دي هترجع بالليل
دوما: مش هينفع كده الواحد لازم يتصرف
دبوس : ما باليد حيله هنعمل إيه قدر ومكتوب
دوما: أروح انام شويه ولما تيجي صحوني
وفي بالليل
جيجى داخله من الوكانده ملقيتش دوما دخلت الريسبشن لقيت سفروته بتتفرج علي فيلم
جيجى : تمام تمام خصم 5 أيام كمان كده بقوا 20 يوم
عيون : أنا ...
جيجى :لا أنا ولا أنت .........فين دوما ؟
سفروته: دوما...هه....دوما......يا نهار أبيض
جيجى :يبقي في أوضته نايم
وراحتجيجى أوضته لقيته نايم
جيجى : الله الله ملاك نايم قوم كلمني
دوما نط قايم : بسم الصليب جناب المديره
جيجى :نايم ؟؟؟ خصم 5 أيام أنت كمان كده بقوا 20 فين دبوس عاوزاه في كلمتين
دوما: دبوس ؟؟؟؟
جيجى : أااااااه... طيب روح أندههولي من علي القهوه بسرعه
مشى دوما... وجه ومعاه دبوس بعد شويه
جيجى:أهلا باللي بيجيب الزباين تعالالي عالريسبشن..
وفي الريسبشن
جيجى:كام زبون جبته الشهر اللي فات ؟
دبوس : خلينا نحسبهم كاتى و تامر وكتكوته وبس كده بقوا 4
جيجى :خصم 5 أيام كده بقوا كااااااااااااااااام ؟
دبوس : قولي إنت بقييييييييي؟
جيجى : عشرين يوم
دبوس : برافوووووووووووووووووووووووووووووو
جيجى سابتهم وهي بتزعق ومتنرفزه وفجأه جت كتكوته2 من بره
كتكوته2 : مساء الخير يا جماعه مالكم مبلمين كده ههههههههه؟
دوما : بتضحكي ما أنت مش في مكانا
كتكوته : طب أولولي عايزه أساعدكم
سفروته: المديره الجديده مبهدلانا خصم 20 يوم لكل واحد لغايه دلوقتي
دبوس : والبقيه تأتي
دوما: يعني مفيش نوم
سفروته : ولا نت وتليفزيون
دبوس : ولا سجااااااااااااااااير ولا شطرانج ولا هغنى حتى
كتكوته : طب أنا عندي حل
دوما : إلحقينا بيه
كتكوته: إيه رأيكم تعملولها عمل...سحر يعنى!!
سفروته: سحر يعني !!!!أنا مش بأمن بالحاجات دي
دوما : هو دا الرأي ؟
دبوس : ونعم الرأي
كتكوته: أنا أعرف شيخه طيبه أوي ممكن تعمل عمل.... ومش هتطلب منكم كتير ......بس مفعوله أكيييييييييد
دبوس: لا مشكووووووووووووووووووور
دوما: مشكورة على المرور الكريم
سفروته : نورتي الموضوع يا عسل ...لا تحرمينا جديدك
كتكوته: طيب براحتكم سلام
عدل سابقا من قبل دبوس وتحياتى في الجمعة مارس 27, 2009 6:31 am عدل 1 مرات | |
|
| | |
دبوس وتحياتى
العضــــو الفضـــــــي
عدد الرسائل : 765
العمر : 38
اسم الكنيسة : مارجرجس بورسعيد
| | موضوع: رد: الحلقه الخامسه من لوكندت الاصدقاء الجمعة مارس 27, 2009 6:24 am | |
| مشيت كتكوته...وراحت أوضتها
دوما : الحل الوحيد أننا ندخل عليها بربطه المعلم ......ونزعق
دبوس : ودي بنت وهتخاف
سفروته: والله فكره يلا بينا
في مكتب المديره
دوما : شوفي يا أنسه إحنا صبرنا كتيييييييير
سفروته :وصبرنا نفد
دبوس : ومفيش إستبن
دوما: يعني من الأخر الخصومات تتلغي
سفروته: وتسيبي كل واحد علي راحته
دبوس : وتشتريلي سجاير كمان
دوما: يلا كده يا حلوه علشان أنا جبت أخري
سفروته : كل واحد علي راااااااااااااااااااااحته
دبوس : يا مسهل
جيجى : بقية الشهر خصم .......وإن مخرجتوش من هنا هجيب غيركم
وفي الريسبشن
الجماعه طلعوا من المكتب قفاهم يحرق العيش مش يقمره ........شافتهم كتكوته
كتكوته: إيه الأخبار؟ سبع ولا ضبع
دبوس : لا يقمر فارر
سفروته : داإحنا خدنا حته مقلب
كتكوته: ما أنا قلتلكم مفيش غير العمل والسحر.....طيب سلام بقي علشان أنا رايحه أنام
وسابتهم كتكوته
دوما: يا خرابي
دبوس : وهنسكت علي كده
سفروته: مفيش حلول خالص
دوما: شكلها باظت
دبوس : قول إتنيلت بنيله
سفروته السوسه : في حل....
دوما: أوعي تكوني بتفكري في اللي بفكر فيه ......
دبوس: قصدكوا.....مفيش حل تانى غيرها......
كلهم باعلى صوت قالو لالالالالالالالالالالالالالالالالالالالالالالالالا
ياترى ايه اللى هيحصل ؟؟
ياترى هيقتلو جيجى ؟؟
ياترى ممكن يكونو بيفكرو فى اى ؟؟
كل هذه الاساله لا اجابه ليها الا فى الحلقه السادسه !!
استـــــــــرها معانــــــــا يــــــــــارب | |
|
| | |
micheal_keshooo
نائب المشرف العام
عدد الرسائل : 3559
العمر : 34
اسم الكنيسة : الانبا انطونيس بالزقازيق
| | موضوع: رد: الحلقه الخامسه من لوكندت الاصدقاء الجمعة مارس 27, 2009 8:01 am | |
| ههههههههههههههههههههههههههههه تسلم ايدك يا دبوووووووووووووووووووووووس ومش عارف انا اية الى سفر طائر ماكان كويس ومستنين باقى الحلقات  | |
|
| | |
marcael
مشــرف بالمنتــدي
 عدد الرسائل : 752
العمر : 34
| | موضوع: رد: الحلقه الخامسه من لوكندت الاصدقاء الجمعة مارس 27, 2009 10:58 am | |
| | |
|
| | |
سفروتة
نائب رئيس مجلس الإدارة
عدد الرسائل : 3232
العمر : 34
اسم الكنيسة : كنيسة القديس مارجرجس
| | موضوع: رد: الحلقه الخامسه من لوكندت الاصدقاء الجمعة مارس 27, 2009 11:47 am | |
|  انا سوسة انا  بس بجد جااااااااااااااامدة تسلم ايديك يادبووووووووس ومنتظرين المزيد  يلا تشااااااااااااو  | |
|
| | |
DOOM
خادم بقلــب فرحــان
عدد الرسائل : 140
العمر : 34
المدينة : مصر
| |
| | |
تحت ظلك احتمى
نائب المشرف العام
عدد الرسائل : 320
العمر : 37
اسم الكنيسة : العدرا ومارجرجس
| | موضوع: رد: الحلقه الخامسه من لوكندت الاصدقاء الجمعة مارس 27, 2009 1:25 pm | |
| | |
|
| | |
سفروتة
نائب رئيس مجلس الإدارة
عدد الرسائل : 3232
العمر : 34
اسم الكنيسة : كنيسة القديس مارجرجس
| |
| | |
towty
عضــــو ســان مينــا
عدد الرسائل : 382
العمر : 34
اسم الكنيسة : القديسه دميانه
المدينة : شبرا
| | موضوع: رد: الحلقه الخامسه من لوكندت الاصدقاء الجمعة مارس 27, 2009 5:29 pm | |
| هههههههههههههههههههههههه
جامده قوي الحلقه دي
توتى : ان غاب الCat العب يا
Mause
توتى :عموووووو...متكسفنيش بقى...عموووووووووو
فين توتى؟
سفروته :بعد ما ادتيها 15 يوم خصم قعدت تعيط...تعيط...وبعد كده راحت عشان تشوف شغلها فى اللوكانده من وش الفجر لحد دلوقتى مقعدتش
ايه ده كله
عسسسسسسسسسسسل
وبعدين انا ذنبي ايه يعني في ده كله
يتخصم مني ليه 15 يوم
هههههههههههههههه
تسلم ايدك
| |
|
| | |
دبوس وتحياتى
العضــــو الفضـــــــي
عدد الرسائل : 765
العمر : 38
اسم الكنيسة : مارجرجس بورسعيد
| | موضوع: رد: الحلقه الخامسه من لوكندت الاصدقاء السبت مارس 28, 2009 6:56 am | |
| ههههههههههههههههههههههه
شكرا لكل اللى ردووووه سعيد بمروركم كلكم وربنا معاكم ويوفئكم | |
|
| | |
بنت العدرا
العضـــو البرونـــزي
عدد الرسائل : 505
العمر : 32
اسم الكنيسة : العدرا وابو سيفين
| | موضوع: رد: الحلقه الخامسه من لوكندت الاصدقاء السبت مارس 28, 2009 3:38 pm | |
| ههههههههههههههههههههههههه حلقه مش بطاله | |
|
| | |
من غدر الصحاب
عضـــو ســان مينــا
عدد الرسائل : 131
| | موضوع: رد: الحلقه الخامسه من لوكندت الاصدقاء السبت مارس 28, 2009 6:43 pm | |
| ههههههههههههههههه حلقه جامده جدا يادبوووستى  | |
|
| | |
موحاااااااااا
مشــرف بالمنتــدي
عدد الرسائل : 1147
العمر : 33
اسم الكنيسة : كنيسه مارجرجس بلزقازيق
المدينة : الشــرقيــه
| |
| | |
دبوس وتحياتى
العضــــو الفضـــــــي
عدد الرسائل : 765
العمر : 38
اسم الكنيسة : مارجرجس بورسعيد
| | موضوع: رد: الحلقه الخامسه من لوكندت الاصدقاء الأحد مارس 29, 2009 4:22 am | |
| مرسى ياابنت العدرا ليكى ياقمر وشكر خاص لمايكل اللى منور المسلسل وميرسى ليك ياموحا
نورت ياحبى الحلقات | |
|
| | |
| | الحلقه الخامسه من لوكندت الاصدقاء | |
|
